Womusu 135

1I Yinni Gusunɔ siaro. I win yĩsiru tɔmɔ. Bɛɛ win sɔm kowobu, 2bɛɛ be i sɔmburu mɔ̀ win sãa yerɔ, i nùn siaro. 3I nùn siaro, u sãawa tɔn geo. I ka win yĩsiru womu koowo, u sãawa tɔn geo. 4Yinni Gusunɔ u tii Isireliba Yakɔbun bweseru gɔsia ba n ka sãa wigibu. 5Na yɛ̃ ma u kpã, mɛya wi, bɛsɛn Yinni u bũnu kpuro kere. 6Ye u kĩ, yera u ra ko wɔllɔ ka temɔ ka nim wɔ̃kuɔ ka gen sɔɔwɔ. 7U ra de guru winu nu sɔ̃ɔsira handunia kpuro sɔɔ. U ra de guru maakinu nu koora kpa u de gura yu nɛ. Kpa u woo kusiama gen wãa yerun di. 8U Egibitigibun bii gbiikobu go sere ka ben yaa sabenun bii gbiikinɔ. 9U sɔm maamaakiginu kua Egibitiɔ u ka yen sina boko ka win sɔm kowobu kpuro sɛɛyasia. 10U bwese dabinu go, ma u sinam damgibu go. 11Beya, Sihoni Amɔreban sunɔ ka Ogu Basanin sunɔ ka sere maa Kananiban sinambu kpuro. 12U sinam ben tem sua u win tɔmbu Isireliba wɛ̃ ba tubi di. 13Yinni Gusunɔ, wunɛn yĩsiru ta ko n wãawa sere ka baadommaɔ. Ba ko n nun yaayewa waati baayere sɔɔ. 14Yinni Gusunɔ u koo win tɔmbu siria, kpa u win sɔm kowobun wɔnwɔndu wa. 15Ba bwesenun bũnun bwãarokunu kuawa ka sii geesu ka wura. Tɔmbun nɔman sɔmbura. 16Nu nɔsu mɔ, adama nu ku ra gari gere. Nu nɔni mɔ, adama nu ku ra yam wa. 17Nu swasu mɔ, adama nu ku ra gari nɔ. Nu ǹ wɛ̃siaru mɔ nin nɔɔwɔ. 18Be ba nu sekumɔ ka be ba nu naanɛ sãa, be kpuro ba sãawa nge ni. 19Isireliba, i Yinni Gusunɔ siaro. Aronin bweseru, i Yinni Gusunɔ siaro. 20Lefin yɛnugibu, i Yinni Gusunɔ siaro. Bɛɛ be i nùn nasie, i nùn siaro. 21Yinni Gusunɔ u wãa Yerusalɛmuɔ. I nùn siaro saa Siɔnin di. I Yinni Gusunɔ siaro.

will be added

X\