Womusu 13

1Womu ge Dafidi u wom kowobun wirugii kua. Ge wee. 2Yinni Gusunɔ, sere domma kaa n man duari. Sere domma kaa n man wuswaa berue. 3Sere domma kaa n dera na n bwisikumɔ nɛn gɔ̃ruɔ. Sere domma kaa n dera na n nuki sankire. Sere domma kaa n dera nɛn yibɛrɛ u n man taare. 4Yinni Gusunɔ, a suuru koowo. A man wisio. A man dam kɛ̃ɛyɔ. A de nɛn nɔni yi gɛlla. A ku de n gbi. 5A ku de nɛn yibɛrɛba bu man kamia, kpa bu woo kana. A ku de na n bãarimɔ, kpa ba n nuku dobu mɔ̀. 6Na nun naanɛ sãa domi a man kĩ sere ka baadommaɔ. Na nun naanɛ sãa domi a man gea kua. Na nun naanɛ sãa domi a man faaba kua. Yen sɔ̃na na nuku dobu mɔ. Wuna kon siara ka womusu.

will be added

X\