Womusu 129

1Sãa daarun womu. Ge wee. Isireliba bu geruo sannu sannu bu nɛɛ, geema, tɔn kɔ̃sobu ba ra n sun dam dɔremɔwa saa bɛsɛn bweserun toren di. 2Ba sun nɔni sɔ̃ɔwa bɛsɛn bweserun toren di. Adama ba ǹ nasara wa bɛsɛn wɔllɔ. 3Ba wuka bɛsɛn birusun wɔllɔ ba kpĩi wuna wuna. 4Adama Yinni Gusunɔ u sãawa gemgii, u ben wɛ̃ɛ kasuka. 5Yinni Gusunɔ, a de be ba Yerusalɛmu tusa bu sekuru wa, kpa bu biruku yira wura, 6ba n sãa nge yaka si su ra kpi diru wɔllɔ. Su ra gberewa ba kun su wukura. 7Wi u su gɛ̃ɛmɔ, su ku ra win nɔmu yibu. Wi u maa su guramɔ, su ku ra win nɔm koto teeru turi. 8Be ba sarɔ mi, bu ku bu domaru kua bu nɛɛ, Gusunɔn domaru ta n ka bu wãa. Bu ku raa maa nɛɛ, ba bu domaru kua ka Yinni Gusunɔn yĩsiru.

will be added

X\