1 Sãa daarun womu ge Salomɔɔ u kua. Ge wee. Yinni Gusunɔ ù kun diru banimɔ, be ba tu banimɔ sɔmburu kama ba mɔ̀. Yinni Gusunɔ ù kun wuu kɔ̃su, be ba gu kɔ̃su ba dom serawa kam. 2 Kam sɔɔra kaa wahala ko a ka wunɛn dĩanu wa a di. Kaa se buru buru yellu kpa a kpuna sere wɔ̃ku suunu sɔmburun sɔ̃. Adama wi Gusunɔ u kĩ, u ra nùn dĩanu wɛ̃wa baa yɛ̃ro ù n dò. 3 Wee, bibu ba sãawa tubi ye ya wee Gusunɔn min di. Ba sãawa soseru te ta wee Gusunɔn min di. 4 Bii be ba mara aluwaasiru sɔɔ, ba sãawa nge sɛ̃ɛnu tabu durɔ damgiin nɔmaɔ. 5 Doo nɔɔrugiiwa wi u bu wa n dabi. U sãawa nge wìn sɛ̃ɛ bwãara sɛ̃ɛnu yiba. U ǹ sekuru wasi sanam mɛ u koo ka win yibɛrɛba yinna wuun gbãrarun kɔnnɔwɔ.
