Womusu 124

1Sãa daarun womu ge Dafidi u kua. U nɛɛ, Gusunɔ Isireliban Yinni ù kun daa ka sun wãa, wara u koo sun kɔ̃su. Isireliba bu wureo bu gere bu nɛɛ, 2- 4sanam mɛ tɔn kɔ̃sobun mɔru ya seewa, ma ba sun seesi, Yinni Gusunɔ ù kun daa ka sun wãa, ba koo sun mwɛ wasiru, kpa bu sun wukiri nge nim mɛ mu kokumɔ daa toraɔ. 5Nim kure damgina nu koo sun taare. 6Sa Yinni Gusunɔ siara, domi u ǹ dere bɛsɛn yibɛrɛba bu sun nɔɔ bɛri. 7U dera bɛsɛn hunde ya kisira saa taan di nge gunɔ. Taa ya kasikira ma sa yara. 8Yinni Gusunɔwa u sãa bɛsɛn faaba kowo. Wiya u wɔllu ka tem taka kua.

will be added

X\