Womusu 122

1Sãa daarun womu ge Dafidi u kua. Ge wee. Bà n nɛɛ, su da Yinni Gusunɔn sãa yerɔ, nɛn nukura ra dorewa. 2Yerusalɛmu, bɛsɛn naasu su yɔ̃ wunɛn kɔnnɔsɔ. 3Yerusalɛmu, a sãawa wuu ge ba bana gea kua, ma ba gu gbãraru toosi ba ka sikerena. 4Wunɛn miya Isireliba, Yinni Gusunɔn tɔmbu ba ra nɛ bu ka nùn siara, nge mɛ u bu wooda wɛ̃. 5Wunɛn miya siri gbabura wãa. Wunɛn miya Dafidin bibun bweserun sina gɔna wãa. 6I bɔri yɛndu kanɔ Yerusalɛmun sɔ̃, kpa be ba wunɛ Yerusalɛmu kĩ ba n wãa bwɛ̃ɛ dora sɔɔ. 7Yerusalɛmu, bɔri yɛnda n wãa wunɛn gbãraru sɔɔ ka wunɛn sina kpaarɔ. 8Nɛn mɛro bisibu ka nɛn bɔrɔban sɔ̃, kon nɛɛ, Gusunɔ u de bɔri yɛnda n wãa Yerusalɛmuɔ. 9Yerusalɛmu, wunɛn gea na kasu, Gusunɔ bɛsɛn Yinnin sãa yerun sɔ̃.

will be added

X\