Womusu 113

1I Yinni Gusunɔ siaro. Bɛɛ win sɔm kowobu, i nùn siaro. 2Su win yĩsiru bɛɛrɛ wɛ̃ saa tɛ̃n di sere ka baadommaɔ. 3Su nùn siara saa bururun di sere ka yokaɔ. 4Yinni Gusunɔwa u bwesenu kpuro kere. Win yiiko ya wãa sere wɔnwɔlleɔ. 5Gusunɔ bɛsɛn Yinnin wãa yera wãa wɔllɔ. Wara u ka nùn weenɛ. 6U ra tukewa u ka wɔllu ka tem mɛɛri. 7U ra dam sarirugii seeye tem di, kpa u wɔnwɔndo seeya kubanun di. 8Kpa u de bu sina ka win tɔmbun wirugibu. 9U ra wĩro yɛnu baniɛ u sina, kpa u nùn ko bii mɛro wi u nuku dobu mɔ win bibun suunu sɔɔ. Yen sɔ̃, i Yinni Gusunɔ siaro.

will be added

X\