Womusu 111

1I Yinni Gusunɔ siaro. Kon Yinni Gusunɔ siara ka nɛn gɔ̃ru kpuro. Kon nùn siara tɔn dɛɛrobun suunu sɔɔ. 2Yinni Gusunɔn nɔman sɔma ya kpã. Ma be ba ye kĩ ba kasu bu ye gia. 3Ye u kua ya ra n girima ka bɛɛrɛ mɔwa. Win gem mu ra n wãawa sere ka baadommaɔ. 4U ra de su win sɔm maamaakiginu yaaya. Yinni Gusunɔ u sãawa duromgii ka wɔnwɔndugii. 5U ra be ba nùn nasie dĩanu wɛ̃, kpa u win arukawani yaaya. 6U win tɔmbu win sɔm maamaakiginun dam sɔ̃ɔsi ni u ka bu tɔn tukobun tem wɛ̃. 7Win sɔm maamaakigii ni, nu sãawa gem mam mam. Win woodaba ba maa naanɛ mɔ. 8Ya ko n sirerewa sere ka baadommaɔ, domi ba ye kuawa gem sɔɔ mam mam. 9U dera ba win tɔmbu yakia. Ma u ka bu arukawani bɔkua sere ka baadommaɔ. Win yĩsiru ta dɛɛre, ta maa nanum mɔ. 10À n kĩ a ko bwisigii, a de a gina Gusunɔ nasia. Be ba bwisi mɔ, beya ba ra yira ye swĩi. Win bɛɛrɛ ya ko n wãawa sere ka baadommaɔ.

will be added

X\