Womusu 110

1Womu ge Dafidi u kua. U nɛɛ, Yinni Gusunɔ u nɛn Yinni sɔ̃ɔwa u nɛɛ, u sinɔ win nɔm geuɔ sere u ka nùn win yibɛrɛba taarea. 2Nɛn Yinni, Yinni Gusunɔ u koo nun ko sunɔ damgii Siɔniɔ, kpa a wunɛn wɛrɔbu taare. 3Dɔma te kaa wunɛn tabu kowobu mɛnna Gusunɔn aye dɛɛraru sɔɔ, wunɛn tɔmba koo nun ben tii wɛ̃ ka kĩru. Wunɛn aluwaasirun dam mu koo wurama bururu baatere nge mɛ dirum mu ra yari. 4Yinni Gusunɔ u bɔ̃rua, mɛya u ǹ maa win gari seeyamɔ u nɛɛ, kaa ko yãku kowo ka baadommaɔ nge Mɛɛkisidɛki 5Gusunɔ u wãa wunɛn nɔm geuɔ. U koo sinambu kam koosia dɔma te win mɔru seewa. 6U koo bwesenu siri. Sanam mɛya gonu ko n yiba yam kpuro. Kpa u sinambu kpeerasia tem kpuro sɔɔ. 7Sunɔ u koo nim nɔ bwiaɔ win sanum sɔɔ, kpa u dam wa u ka nasara sua.

will be added

X\