Womusu 11

1Womu ge Dafidi u wom kowobun wirugii kua. Ge wee. Yinni Gusunɔ u sãawa nɛn kàrì. Yen sɔ̃, i ku maa nɛɛ, n yɔ̃ɔwɔ nge gunɔ n da n kuke guunɔ. 2Wee tɔn kɔ̃so u win tɛndu bɛri, u win sɛ̃u sɔri u ka taarɛ sarirugii to yam wɔ̃kuru sɔɔ. 3Sanam mɛ dunia kpuro sankira, mba gemgii u koo maa kpĩ u ko. 4Adama i n yɛ̃ ma Yinni Gusunɔ u wãa win sãa yee dɛɛrarɔ, ma u win sina gɔna swĩi wɔllɔ. 5U ra tɔn kɔ̃so ka maa tɔn geon daa wɛ̃ɛri, kpa u n dam diobu tusa. 6Ben are wee. U ra bu sɛɛyasie ka dɔ̃ɔ ka sɔ̃ɔ bisu ka woo bɔkɔ. 7Adama u ra gemgii dam koosie, domi win tii u sãawa gemgii, u ra maa daa gea kã.

will be added

X\