Womusu 101

1Womu ge Dafidi u kua. Ge wee. Wee kon womu ko ge ga ka siribu ka durom yã. Yinni Gusunɔ, kon gu kowa n ka nun bɛɛrɛ wɛ̃. 2Kon nɛn laakari doke swaa gea sɔɔ. Saa yerà kaa man naawa. Kon sĩwa dee dee nɛn yɛnugibun suunu sɔɔ. 3Na ǹ wuramɔ n kɔ̃sa mɛɛri. Na mɛm nɔɔbu sariban daa tusa. Na ǹ wuramɔ yu man tia. 4Na ǹ wuramɔ kɔ̃sa ya n wãa nɛ sɔɔ. Kon ka tɔn kɔ̃sobu tonda. 5Kon de wi u ra kpaasi wĩi u kam ko. Na ǹ ka wi u tii sue nɔɔ tia mɔ̀. 6Kon mɛɛri n wa be ba naanɛ mɔ tem mɛ sɔɔ, kpa ba n wãa nɛn bɔkuɔ. Wi u sĩimɔ gem sɔɔ, wiya u koo ko nɛn sɔm kowo. 7Gbɛnɔ kun ayeru wasi nɛn yɛnuɔ. Mɛya maa wee kowo u ǹ yɔ̃ramɔ nɛn wuswaaɔ. 8Bururu baatere, na ko n da tem mɛn tɔn kɔ̃sobu nɔɔ marisiewa. Kpa n wa n ka bu wuna mam mam Yinni Gusunɔn wuun di.

will be added

X\