1 Nɛn bii, à n tii dɔra a nɛɛ, kaa goon dibu sɔbe, ma wunɛn gari yi nun yina mwa, 3 a duawa mi dibugii win nɔma sɔɔ. Yen sɔ̃, a doo a nùn wa kpa a nùn suuru kana, a tii yakia win nɔman di. 4 A ku nɛɛ, kaa gina kpuna a wɛ̃rawa a sere da a nùn suuru kana. 5 A tii yakio kpa a n tii mɔ nge mɛ nɛm taakɔ ka gunɔ nu ra kisire taason yinan di. 6 Wunɛ yikuro, a doo a tamminu mɛɛri. A nin sɔmburu laakari koowo kpa a wa a bwisi ko. 7 Nu ǹ sunɔ mɔ, nu ǹ maa kparo mɔ, mɛya nu ǹ maa wirugii mɔ, 8 adama nu ra nin dĩanu kasu nu yi gɛ̃ɛbun sanam ka sɔ̃ɔ sãrerun saa. 9 Wunɛ yikuro, sere domma kaa n kpĩ. Domma kaa dom se. 10 Wee, à n dom yĩbura a dweeya ka nɔm gbinnaa fiiko, 11 sãaru ta koo nun deema subaru sɔɔ nge gbɛnɔ, kpa gɔ̃ɔru tu nun wɔri nge swaa dio. 12 Wi u gari weesugii kpara, u sãawa wi u kun garu mɔ̀, ka tɔn bɛrɛtɛkɛ. 13 U ra tɔmbu nɔni yãakinu kue, kpa u yĩreru ko ka naasu, ka maa nɔma, u ka bu nɔni wɔ̃ke. 14 Kɔ̃san koba bu ra n nùn nɛni, kpa u n yen sɔɔru mɔ̀ baadomma u n sannɔsu seeyamɔ. 15 Yen sɔ̃na asɔrɔ ya koo nùn deema subaru sɔɔ, kpa n kun koore bu nùn seeya. 16 Gãanu nɔɔba tia Yinni Gusunɔ u tusa, u ku ra nu waabu kã. Niya, tii suabun kookoosu, ka weesu, ka tɔn dɛɛron goberu, ka kɔ̃san himba, ka daa kɔ̃san kĩru, ka tɔnu gari manibu. Gãanu nɔɔba yiruse mam wãa. Niya, tɔn gbinnaa berusebun suunu sɔɔ. 20 Nɛn bii durɔbu, a wunɛn tundon gere mɛm nɔɔwɔ, kpa a ka wunɛn mɛron sɔ̃ɔsiru sɔmburu ko. 21 A n ye kpuro nɛni baadomma wunɛn gɔ̃ruɔ, kpa a ye doke wĩirɔ nge wura. 22 Ya koo nun kpara wunɛn sanu sanusu sɔɔ, kpa yu nun kɔ̃su wunɛn kpin yerɔ. Ya koo maa nun bwisi kɛ̃ à n dom yanda. 23 Domi gere ye, ya sãawa nge fitila, ma sɔ̃ɔsi te, ta sãa nge yam bururam. Ben kirɔ ya ra maa nun wãarun swaa sɔ̃ɔsiwa. 24 Ya koo nun gbara kurɔ tanɔn nɔman di. Ya koo nun yara win gari dorin di. 25 A ku kurɔ win bweseru binɛ ko win buram sɔ̃. A ku de u nun kɔkiri ka win durɔ nɔni. 26 Kaa kpĩ a kurɔ tanɔ wa ka gobi fiiko, adama à n ka kurɔ mɔro kpuna, wunɛn wãaru kpurowa kaa bia. 27 Kaa kpĩ a dɔ̃ɔ kpɛ̃ɛ bɔɔrɔ wunɛn yãnu nu kun dɔ̃ɔ mwaare? 28 Kaa kpĩ a sĩ dɔ̃ɔ gɛ̃ɛ wɔllɔ wunɛn naasu su kun dɔ̃ɔ mwaare? 29 Nge mɛya a ǹ kpɛ̃ a goon kurɔ baba ba kun nun sɛɛyasie. 30 Goo ù n dĩanu gbɛna yèn sɔ̃ gɔ̃ɔra nùn mɔ̀, ba ku ra nùn gɔburu wa. 31 Ka mɛ, u koo kɔsiawa n kere ye u gbɛna. Ye u mɔ win yɛnuɔ kpuro, yera u koo wɛ̃. 32 Adama wi u tɔn kurɔ kɔkura u ka nùn sakararu kua, u sãawa gari bɔkɔ. Domi wi u yen bweseru mɔ̀, wiya u koo kam ko. 33 Ba koo nùn so kpa u bɛɛrɛ bia. Sekuru sɔɔra u ko n wãa baadomma. 34 Kpannasira koo de kurɔ win durɔ u mɔru se. U koo yɛ̃ro mɔru kɔsiawa u kun win wɔnwɔndu kue. 35 U ǹ gãanu mwaamɔ kɔsire, u ǹ maa suuru mɔ̀, baa bà n nùn kɛ̃nu taasi.
