Mɔnnu 31

1Bwisi yi Lemuɛli, Masan sina boko u wa saa win mɛron min di. U nɛɛ, 2nɛn bii, wunɛ wi na yiira na mara, a man swaa dakio. Wunɛ wi na kana nɛn kanaru sɔɔ, a swaa tem kpĩiyɔ a nɔ. 3A ku de tɔn kurɔbu bu wunɛn dam kpe. A ku de tɔn kurɔ be ba sinambu kam koosia bu nun daa kɔ̃sa tie. 4Lemuɛli, a de a n yeni yɛ̃. N ǹ weenɛ sinambu bu tam nɔ. N ǹ weenɛ wirugibu bu tam bɔɔbɔm kasu. 5Domi bà n mu nɔra, mu koo bu go kpa bu duari bu wooda swĩi, kpa bu sãarobu gem bira. 6I be ba gɔɔ dɔɔ ka sere maa sãarobu tam bɔɔbɔm wɛ̃ɛyɔ bu nɔ. 7Bà n nɔra kpa bu ben sãaru ka nɔni swãaru duari. 8Adama wunɛ, a seewo a be ba ǹ kpɛ̃ bu gari gere yɔ̃ra ka sere maa be ba ǹ somiɔ mɔ. 9A ka bu yinɔ kpa a bu siria dee dee. A ka wɔnwɔndobu ka sere maa sãarobu yinɔ. 10Kurɔ geon waabu bu ǹ sɛ̃? Domi win bɛɛrɛ ya wuraba kere. 11Win durɔ ra n nùn naanɛ sãawa, u ǹ sãaru wasi. 12Win wãarun tɔ̃nu kpuro sɔɔ, gea u ra win durɔ kue, n ǹ mɔ kɔ̃sa. 13U ra wɛ̃su kasu u tari. U ra n nɔman sɔmburu mɔ̀ ka nuku tia. 14U ra win dĩanu waamɛwa saa mi n toman di nge goo nimkuu ge ga tenkuru mɔ̀. 15U ra sewa saa mìn di yam kun sãram kpa, u ka win yɛnugibu dĩanu kua, kpa u win wɔndiaba sɔma bɔnu kua. 16U koo tem kasu u dwe u kara ko, kpa u ka win tiin kiarun are resɛm dãa binu dwe u duure mi, ni nu koo ma. 17U ra win sɔmburu kowa ka dam. U ku ra wɛ̃re. 18Ye u mɔ̀ kpuro u ra n yen arufaani yɛ̃. U ra n sɔmburu mɔ̀ sere ka wɔ̃kurɔ. 19U ra n tarimɔ. 20U ra sãarobu kɛ̃ru wɛ̃. 21U ǹ woorun saan bɛrum mɔ win yɛnugibun sɔ̃ domi be kpuro ba woorun yabenu mɔ win sɔmburun sɔ̃. 22Wiya ra yãnu doke ni ba kua ka beku nɔniginu, kpa u maa kpin yenun bekunu ko. 23Ba ra win durɔ bɛɛrɛ wɛ̃ ù n sina ka wuun guro gurobu sannu. 24U ra yabenu ka sɛ̃katii ko u tenkuba dɔre. 25Dam ka bɛɛrɛwa u ra n sebua nge yaberu. U ku ra wurure sian bukatan sɔ̃. 26Laakari sɔɔra u ra nɔɔ wukie, kpa u n tɔmbu bwisi kɛ̃mɔ ka kĩru. 27U ra win yɛnu nɔni dokewa kpa u n yɛ̃ ye ya kooramɔ ge sɔɔ. U ǹ yikuru mɔ. 28Win biba ra nùn siare, ka win durɔn tii, kpa durɔ u n mɔ̀, 29kurɔ dabinu ba sãa kurɔ geebu, adama wuna a kere. 30Wasin buram mu ǹ naanɛ mɔ, wuswaan buram mu ra maa doonɛ, adama kurɔ wi u Yinni Gusunɔ nasie, wiya ba koo siara. 31I de u win nɔman sɔmburun are wa kpa baawure u nùn siara ten sɔ̃.

will be added

X\