Mɔnnu 25

1Salomɔɔn mɔnnu ganu wee, ni Esekiasi, Yudaban sina bokon tɔmbu ba mɛnna. 2Sa ra Gusunɔ bɛɛrɛ wɛ̃ yèn sɔ̃ u ra gãanu ko ni sa ǹ kpɛ̃ su tubu. Sa ra sinambu bɛɛrɛ wɛ̃ yèn sɔ̃ ba ra gãanu wɛ̃ɛri. 3Nge mɛ sa ǹ yɛ̃ mi wɔllun gunum mu yɔ̃ ka mi tem dukum mu yɔ̃ra, nge mɛya sa ǹ maa sinambun gɔ̃rusu yɛ̃. 4Bà n sisun disinu sɔwa, seko u koo kpĩ u ka su gãa buranu ko. 5Nge mɛya bà n tɔn kɔ̃sobu wuna sina bokon bɔkun di, win bandu ta koo dam ko gem sɔɔ. 6A ku tii sua sina bokon wuswaaɔ. A ku tii bukuron ayeru wɛ̃, 7domi n buram bo bu nɛɛ, a sinɔ mini, ka sere bu nɛɛ, a seewo min di, wi u nun keren wuswaaɔ. 8À n kɔ̃sa gaa wa, a ku sɛnda a ka ye da siri yerɔ, domi bà n deema ya ǹ sãa gem, kaa sekuru wa. 9Ì n sanna ka goo, i nɔɔsinɔ ka wi, adama a ku goon asiri gere, 10domi ù n ye nua, u koo nun sekuru doke kpa wunɛn yĩsiru tu sankira. 11Gari yi ba gerua saa ye n weenɛ, yi sãawa nge gãa ni ba buraru kua ka wura ǹ kun mɛ ka sii geesu. 12Bwisigiin kirɔ ya sãawa nge wuran taabu ǹ kun mɛ wuran saba, wi u ye swaa dakin mi. 13Nge mɛ yam susurun sanam, nim mu ra tɔnu dam kɛ̃, nge mɛya sɔmɔ naanɛgii u ra win yinni nukuru yɛmiasie. 14Wi u tii sue, kɛ̃ɛ ni u ǹ wɛ̃n sɔ̃, u sãawa nge woo ka guru wiru te ta ku ra ka gura nɛ. 15Suuru ka tɛmanaba ba ra ka siri kowobu kamiɛ. Gari doriya yi koo ben gɔma dwiiyasia. 16À n tim wa a ku mu di mu nun kera, kpa a ku ra debu a mu sia. 17Nge mɛya a kun da wunɛn bɔrɔ bere kiri kiri kpa u ku raa nun tusi. 18Wi u win beruse gari weesugii manimɔ, u yɛ̃ro kɔ̃sa kuammɛwa, nge mɛ bokuru ǹ kun mɛ takobi ǹ kun mɛ sɛ̃u ga ra tɔnu mɛɛra ko. 19À n naanɛ sarirugii naanɛ kua nɔni swãarun sanam, ya sãawa kari nge wi u kona barɔ u ka yaa temmɔ, ǹ kun mɛ nge wi u ka nɔɔ barɔ tem tãsimɔ. 20À n nuku sankiro womu kuammɛ, ya sãawa nge a win yaberu potamɔ puran sanam ǹ kun mɛ a gɛm dokemɔ win boo sɔɔ. 21Gɔ̃ɔru tà n wunɛn yibɛrɛ mɔ̀, a nùn dĩanu kɛ̃ɛyɔ u di. Nim nɔru gà n nùn mɔ̀, a nùn nim kɛ̃ɛyɔ u nɔ, 22domi n sãarewa a nùn dɔ̃ɔ sɔbimɔ. Yinni Gusunɔ u koo maa nun yen kɔsiaru wɛ̃. 23Nge mɛ sɔ̃ɔ yɛ̃san nɔm geun woo ga ra ka gura nɛ, nge mɛya maa wĩinaa ya ra tɔnun mɔru seeye. 24N buram bo a n wãa wunɛ turo dii piibu sɔɔ, ye kaa n ka wãa dii bakaru sɔɔ ka kurɔ nɔɔ gɔmunugii. 25Labaari gea ye ya na tontonden di, ya ra tɔnu dorewa nge nim mɛ tɔnu u nɔra sanam mɛ nim nɔru ga nùn mɔ̀. 26Gemgii wi u dera tɔn kɔ̃so u nùn daa tie, u sãawa nge dɔkɔ yèn nim ba kɔruka. 27Nge mɛ n ǹ wã tɔnu u tim gɔm di too, nge mɛya n ǹ maa wã tɔnu u yĩsiru kasu. 28Wi u ku ra kpĩ u tii nɛnɛ, u sãawa nge wuu ge ga ǹ gbãraru mɔ.

will be added

X\