Mɔnnu 2

1Nɛn bii, a nɛn sɔ̃ɔsiru wuro, kpa a nɛn wooda nɛnɛ wunɛn gɔ̃ruɔ. 2A bwisin sɔ̃ɔsiru swaa dakio. A kookari koowo yu ka nun yeeri. 3A bwisi kasuo, kpa a laakari naa gira. 4A ye kpuro kasuo nge sii geesu, ǹ kun mɛ nge arumani ye ya berua. 5À n kua mɛ, kaa tubu nge mɛ kaa ka Gusunɔ nasia, kpa a nùn gia. 6Yinni Gusunɔwa u ra tɔnu bwisi wɛ̃. Wiya u ra maa nùn yɛ̃ru ka laakari wɛ̃. 7U ra taarɛ sarirugibu nasara wɛ̃, kpa u n be ba gem swĩi kɔ̃su nge tɛrɛru. 8U ra be ba ku ra ben berusebu kɔ̃sa kue kɔ̃su, kpa u wigii be ba nùn mɛm nɔɔwɛ kpara. 9Nɛn bii, à n nɛn gari wura, kaa gem tubu. Kaa n yɛ̃ ye ya sãa dee dee. Ye kpurowa ya koo de a n gea mɔ̀. 10Kaa n bwisi mɔ, kpa yɛ̃ru tu nun nuku dobu wɛ̃. 11Bwisi ka laakari ya koo nun kɔ̃su, 12kpa yu ka nun gbara swaa kɔ̃san di, kpa yu nun yara gari kɔ̃sigiin nɔman di, 13ka sere maa be ba swaa gea derin min di, ba swaa kɔ̃sa swĩi. 14Kɔ̃san kobu bu ra bu nuku dobu wɛ̃, kpa ba n yɛ̃ɛrimɔ toranun sɔ̃. 15Ben swɛɛ ka ben sanu sanusu ku ra n dɛɛre. 16Nge mɛya yi koo maa de a kurɔ tuko duka suuri wi u nun kɔkirimɔ ka gari dori. 17Wi, wi u win durɔ gbiikoo yina, u arukawani duari ye u ka nùn bɔkua Gusunɔn wuswaaɔ. 18Ma win yɛnu ga gɔɔ dɔɔ, win swɛɛ yi ka nùn dɔɔ gɔribun wãa yerɔ. 19Tɔn durɔ wi u da win mi, u ku ra wuramɛ. U ku ra maa wãarun swaa wa. 20Ǹ n mɛn na, a gemgibun swaa swĩiyɔ. A ben daa saario. 21Domi gemgibu ka taarɛ sarirugibu ba ko n wãa n ka tɛ tem mɛ sɔɔ. 22Adama tɔn kɔ̃sobu ka mɛm nɔɔ saribara ba koo wuna min di.

will be added

X\