Nɛɛmi 7

1Sanam mɛ sa gbãra te bana sa kpa sa ten gamboba doke, yera sa be ba ra kɔnnɔsu kɔ̃su doke ben sɔma sɔɔ ka sere maa wom kowobu ka Lefi be ba tie. 2Ma na nɛn mɔɔ Hanani wooda wɛ̃ u Yerusalɛmu kpara, wi ka Hanania, wi u sãa Yerusalɛmun gbãra kɔ̃sobun wirugii. Durɔ wi, u tɔn be ba tie kere. Domi u sãa naanɛgii ma u Gusunɔ nasie. 3Na bu sɔ̃ɔwa na nɛɛ, ba ǹ Yerusalɛmun kɔnnɔsu kɛniamɔ ma n kun mɔ sɔ̃ɔ u yara. Yoka ba koo su kɛnɛwa kɔnnɔ kɔ̃sobu bu sere doona. Yen biru, ba koo Yerusalɛmugibu bikia bu wuu kɔ̃su, ben baawure u n yɔ̃ win dii kɔnnɔwɔ. 4Baa mɛ Yerusalɛmu ya kpã, ya maa yasu, yen tɔmbu ba ǹ dabi, ba ǹ maa dia banɛ. 5Yera Yinni Gusunɔ u doke nɛn gɔ̃ruɔ n bukurobu mɛnna ka siri kowobu ka wuun tɔmbu n ka bu gari gari. Ma na tireru garu wa tè sɔɔ ba tɔmbun yĩsa yorua nge mɛ ben baawuren bweserun tɔ̃ka sãa. Bera be ba gbia ba wurama Babilonin di. Ye na wa ba yorua wee. 6Tɔn be Babilonin sina boko Nɛbukanɛsaa u yoru mwɛɛra u ka da win mi, ben dabiru ta wurama Yerusalɛmuɔ Yudan temɔ. Ma ben baawure u da win wuuɔ. 7Wee be ba tɔn be kparama. Bera Sorobabɛli ka Yosue ka Nɛɛmi ka Asaria ka Ramia ka Nakamani ka Maadose ka Bilisani ka Misipaa ka Bigifai ka Nɛhumu ka Baana. Tɔn ben geeru ka ben bwese kɛrin yĩsa wee. 8Pareɔsin bweseru sɔɔ, ba sãawa tɔmbu nɔrɔbun suba yiru ka wunɔbu ka wata ka wɔkura yiru (2.172). 9Sefatian bweseru sɔɔ, ba sãawa tɔmbu gooba wunɔbu ka wata ka wɔkura yiru (372). 10Aran bweseru sɔɔ ba sãawa tɔmbu nata ka weeraakuru ka yiru (652). 11Pakati Mɔabun bweseru sɔɔ, ba sãawa tɔmbu nɔrɔbun suba yiru ka nɛnɛ ka wɔkura nɔɔbu ka ita (2.818). Ba sãawa Yosue ka Yoabun sikadominu. 12Elamun bweseru sɔɔ, ba sãawa tɔmbu nɔrɔbu ka goobu ka weeraakuru ka nnɛ (1.254). 13Satun bweseru sɔɔ ba sãawa tɔmbu nɛnɛ ka weeru ka nɔɔbu (845). 14Sakain bweseru sɔɔ, ba sãawa tɔmbu nata ka wunɔbu ka wata (760). 15Binuin bweseru sɔɔ, ba sãawa tɔmbu nata ka weeru ka nɔɔba ita (648). 16Bebain bweseru sɔɔ, ba sãawa tɔmbu nata ka yɛnda nɔɔbu ka ita (628). 17Asigadin bweseru sɔɔ, ba sãawa tɔmbu nɔrɔbun suba yiru ka gooba wunɔbu ka yɛnda yiru (2.322). 18Adonikamun bweseru sɔɔ, ba sãawa tɔmbu nata ka wata ka nɔɔba yiru (667). 19Bigifain bweseru sɔɔ, ba sãawa tɔmbu nɔrɔbun suba yiru ka wata ka nɔɔba yiru (2.067). 20Adinin bweseru sɔɔ, ba sãawa tɔmbu nata ka weeraakuru ka nɔɔbu (655). 21Atɛɛn bweseru sɔɔ, be ba sãa Esekiasin yɛnugibu ba sãawa tɔmbu wunɔbu yiru sari. 22Hasumun bweseru sɔɔ, ba sãawa tɔmbu gooba wunɔbu ka yɛnda nɔɔbu ka ita (328). 23Bɛsain bweseru sɔɔ, ba sãawa tɔmbu gooba wunɔbu ka yɛnda nnɛ (324). 24Harifun bweseru sɔɔ, ba sãawa tɔmbu wunɔbu ka wɔkura yiru (112). 25Gabaonigibu ba sãawa tɔmbu wɛnɛ ka wɔkura nɔɔbu (95). 26Bɛtelehɛmugibu ka Nɛtofagibu ba sãawa tɔmbu wunaa wɛnɛ ka nɔɔba ita (188). 27Anatɔtugibu ba sãawa tɔmbu wunaa teeru ka nɔɔba ita (128). 28Bɛti Asimafɛtigibu ba sãawa tɔmbu weeru ka yiru (42). 29Kiriati Yarimu ka Kefiragibu ka Beerɔtugibu ba sãawa tɔmbu nata ka wunaa weeru ka ita (743). 30Ramagibu ka Gebagibu ba sãa tɔmbu nata ka yɛnda tia (621). 31Mikimasigibu ba sãawa tɔmbu wunaa teeru ka yiru (122). 32Betɛligibu ka Ayigibu ba kua tɔmbu wunaa teeru ka ita (123). 33Nɛbo yeɔnɔgibu ba sãawa tɔmbu weeraakuru ka yiru (52). 34Elamu wiɔnɔn yɛnugibu ba sãawa tɔmbu nɔrɔbu ka goobu ka weeraakuru ka nnɛ (1.254). 35Harimun yɛnugibu ba sãawa tɔmbu gooba wunɔbu ka yɛndu (320). 36Yerikogibu ba sãawa tɔmbu gooba wunɔbu ka weeru ka nɔɔbu (345). 37Lodugibu ka Hadidigibu ka Onɔɔgibu ba sãawa tɔmbu nata ka wunaa teeru ka tia (721). 38Senaagibu ba sãawa tɔmbu nɔrɔbun suba ita ka nɛnɛ ka wunaa teeru ka wɔkuru (3.930). 39Wee tɔn be ba wãa yãku kowobun bweseru sɔɔ. Yosuen bweseru sɔɔ, Yedayan yɛnugibu ba sãawa nɛnɛ ka wunaa wata ka wɔkura ita (973) 40Imɛrin yɛnugibu ba sãawa tɔmbu nɔrɔbu ka weeraakuru ka yiru (1.052). 41Pasurin yɛnugibu ba sãawa tɔmbu nɔrɔbu ka goobu ka weeru ka nɔɔba yiru (1.247). 42Harimun yɛnugibu ba sãawa tɔmbu nɔrɔbu ka wɔkura nɔɔbu ka yiru (1.017). 43Lefiban wuuru sɔɔ, be ba sãa Yosue ka Kadimiɛlin bweseru, Hodifan sikadominu, ba sãawa tɔmbu wata ka wɔkura nnɛ (74). 44Asafun yɛnugii be ba ra womu ko sãa yerɔ, ba sãawa tɔmbu wunaa weeru ka nɔɔba ita (148). 45Be ba sãa gbãrarun kɔnnɔ kɔ̃sobu ba ka sãa Salumun yɛnugibu ka Atɛɛba ka Talumɔɔba ka Akububa ka Hatitaba ka sere Sobaiba ba sãawa tɔmbu wunaa weeru yiru sari (138). 46Nɛtiniban bweseru sɔɔ, be ba ra sãa yerun sɔmburu ko ben sikadobara Siha ka Hasufa ka Tabaɔtu 47ka Kɛrɔsi ka Sia ka Padoni 48ka Lebana ka Hagaba ka Salumai 49ka Hananu ka Gidɛli ka Gasaari 50ka Reaya ka Resini ka Nɛkoda 51ka Gasamu ka Usa ka Paseaki 52ka Besai ka Mɛhunimu ka Nɛfisimu 53ka Bakibuki ka Hakufa ka Haahuru 54ka Basiliti ka Mɛhida ka Haasa 55ka Baakɔsi ka Sisera ka Tamaki 56ka Nɛtisa ka Hatifa. 57Be ba sãa Salomɔɔn sɔm kowobun bibun sikadoba, bera Sotai ka Soferɛti ka Perida 58ka Yaala ka Daakoni ka Gidɛli 59ka Sefatia ka Hatili ka Pokerɛti Hasebaimu ka Amɔɔ. 60Nɛtini be, ka Salomɔɔn sɔm kowobun bii be, be kpuro ba kuawa mi tɔmbu gooba wunɔbu ka wɛnɛ ka wɔkura yiru (392). 61Be ba yoru wɔma saa Tɛli Mɛlakin di ka Tɛli Hasaan di ka Kerubu Adonin di ka Imɛrin di ba ǹ kpĩa ba ben tundon yɛnu gie, ba ǹ maa kpĩa ba ben bweserun tɔ̃ka wunanɛ bu ka sɔ̃ɔsi ma ben tii ba sãawa Isireliba. 62Ben wirugiba Delaya ka Tobiya ka Nɛkoda. Be kpuro ba sãawa tɔmbu nata ka weeru ka yiru (642). 63Yãku kowobu sɔɔ, gaba maa wãa be ba ǹ kpĩa ba ben bweserun tɔ̃ka wunanɛ. Bera Hobayan bibun bweseru ka Hakɔtugiru ka Baasilaigiru. Ba bwese te soka Baasilai yèn sɔ̃ ben sikado u Baasilai Galadigiin bii wɔndia sua kurɔ. 64Bera ba ben bweserun tɔ̃ka kasu ba bia. Ma ba bu yara yãku sɔmburun di. 65Ma tem mɛn kparo u bu sɔ̃ɔwa u nɛɛ, ma n kun mɔ yãku kowo goo u kpĩa u bikiaru kua ka urimu ka tumimu ben goo kun yãku dĩanu dimɔ. 66Tɔn be kpuron geeru ta sãawa tɔmbu nɔrɔbun suba weeru ka yiru ka gooba wunɔbu ka wata (42.360) 67ben sɔm kowobu baasi. Ben sɔm kowo ben geeru wee, tɔmbu nɔrɔbun suba nɔɔba yiru ka gooba wunɔbu ka tɛna ka nɔɔba yiru (7.337). Be sɔɔ, wom kowobu goobu ka weeru ka nɔɔbu (245) ba wãa tɔn durɔbu ka tɔn kurɔbu. Ben dumin geera sãawa nata ka wunaa teeru ka wɔkura nɔɔbu ka tia (736) ka sere birakɔsu goobu ka weeru ka nɔɔbu (245) 68ka yooyoosu nɛɛru ka tɛna ka nɔɔbu (435) ka sere kɛtɛkunu nɔrɔbun suba nɔɔba tia ka nata ka wunaa teeru (6.720). 69Yɛnu yɛ̃robu dabina ba kɛ̃nu kua bana yen sɔ̃. Wee ye tem mɛn kparo u maa wɛ̃ bana yen sɔ̃. U wuran gobi nɔrɔbu (1.000) wɛ̃ ka gbɛ̃ɛnu weeraakuru ni ba koo ka yaa yɛm yɛ̃ka ka yãku kowobun takoba nɛɛra wunɔbu ka tɛna (530). 70Yɛnu yɛ̃ro ben kɛ̃ɛ ni ba kua nu sãawa wuran gobi nɔrɔbun suba yɛndu (20.000) ka sii geesu kilo nɔrɔbu ka wunɔbu (1.100). 71Tɔn be ba tie ba maa wuran gobi nɔrɔbun suba yɛndu (20.000) wɛ̃ ka sii geesu kilo nɔrɔbu (1.000) ka sere yãku kowobun takoba wata ka nɔɔba yiru. 72Yãku kowobu ka Lefiba ka gbãra kɔnnɔ kɔ̃sobu ka wom kowobu ka Nɛtiniba ka sere Isireli be ba tie ben baawure u wurawa win wuuɔ. Wɔ̃ɔn suru nɔɔba yirusen tɔ̃ɔ gbiikiru sɔɔ, Isireliba kpuro ba wãa ben wusɔ.

will be added

X\