Nɛɛmi 10

1Yeniba kpuron sɔ̃na bɛsɛ Isireliba sa nɔɔ mwɛɛru kua sa yorua. Bɛsɛn wirugibu ka Lefiba ka yãku kowobu ba bɛsɛn nɔɔ mwɛɛ ten tireru nɔma dokewa. 2Be ba tire te nɔma doke, bera bɛsɛn kparo Nɛɛmi, Hakalian bii, 3ka Sedesiasi ka Seraya ka Asaria ka Yeremi 4ka Pasuri ka Amaria ka Maakiya 5ka Hatusi ka Sebania ka Maluku 6ka Harimu ka Mɛremɔtu ka Abudiasi 7ka Daniɛli ka Ginɛtoni ka Baruku 8ka Mɛsulamu ka Abia ka Miyamini 9ka Maasia ka Biligai ka Semaya. Be kpuro ba sãawa yãku kowobu. 10Be ba sãa Lefiba, bera Yosue, Asanian bii ka Binui, Henadadin bii ka Kadimiɛli 11ka ben mɛro bisibu Sebania ka Hodiya ka Kelita ka Pelaya ka Hanani 12ka Misee ka Rehɔbu ka Hasabia 13ka Sakuri ka Serebia ka Sebania 14ka Hodiya ka Bani ka Beninu. 15Be ba maa sãa wirugibu beya Pareɔsi ka Pakati Mɔabu ka Elamu ka Satu ka Bani 16ka Buni ka Asigadi ka Bebai 17ka Adoniya ka Bigifai ka Adini 18ka Atɛɛ ka Esekiasi ka Asuri 19ka Hodiya ka Hasumu ka Bɛsai 20ka Harifu ka Anatɔtu ka Nɛbai 21ka Magipiasi ka Mɛsulamu ka Hesiri 22ka Mɛsesabɛli ka Sadɔku ka Yadua 23ka Pelatia ka Hananu ka Anaya 24ka Hosee ka Hanania ka Hasubu 25ka Halosɛsi ka Pilika ka Sobɛki 26ka Rehumu ka Hasabuna ka Maaseya 27ka Akiya ka Hananu ka Anani 28ka Maluku ka Arimu ka Baana. 29Tɔn be ba tie, yãku kowobu ka Lefiba ka sãa yerun kɔnnɔn kɔ̃sobu ka wom kowobu ka Nɛtiniba ka sere be ba ka tii wurama tɔn tukobun min di ba Yinni Gusunɔn woodaba mɛm nɔɔwɛ ka ben kurɔbu ka bibu, be ba gesi bwisi ka yɛ̃ru mɔ, 30be kpuro ba ka ben mɛro bisibu nɔɔ tia kua be ba tɔn giroru bo. Ba nɔɔ mwɛɛru kua ka bɔ̃ri ba nɛɛ, ba koo Yinni Gusunɔn wooda mɛm nɔɔwa ye u bu wɛ̃ saa Mɔwisin min di kpa ba n ka yi sɔmburu mɔ̀. 31Ba nɛɛ, ba ǹ maa ben bii wɔndiaba tɔn tukobu wɛ̃ɛmɔ bu sua kurɔbu. Mɛya ben aluwaasiba ba ǹ maa tɔn tukobun bii wɔndiaba suamɔ kurɔbu. 32Mɛya ba ǹ maa gãanu dwemɔ tɔ̃ɔ wɛ̃rarugiru ka tɔ̃ɔ bakanun saa sɔɔ tɔn tukobu bà n ka kiaru na. Ba koo maa tɔmbu yoru kara wɔ̃ɔ nɔɔba yiruse sɔɔ kpa ba kun gãanu kɔsie. 33Mɛya ba tii wooda yiiya bu kɛ̃nu wɛ̃ sii geesun gobi garamu nnɛ wɔ̃ɔ ka wɔ̃ɔ bu ka Gusunɔ ben Yinnin sãa yerun sɔmburu ko. 34Kɛ̃ɛ ni, nu ko n sãawa ni ba koo ka pɛ̃ɛ dwe Yinni Gusunɔn yãku ninin sɔ̃. Niya, yãku dɔ̃ɔ mwaararuginu ka yãku ni ba ra ko tɔ̃ɔ wɛ̃rarugiru sɔɔ ka yãku ni ba ra ko tɔ̃ɔ baatere ka ni ba ra ko suru kpao ù n yara ka yãkunu ganu ka sere torarun yãkunu. Kɛ̃ɛ niya nu koo maa somi bu ka sãa yerun sɔma baayere ko. 35Yãku kowobu ka Lefiba ka Isireliba bɛsɛ kpurowa sa tɛtɛ toba su ka wa dãa ye sa ko n da ka nɛ wɔ̃ɔ baagere yãkunun sɔ̃ Gusunɔ bɛsɛn Yinnin sãa yerɔ yen saa yà n tunuma. Dãa yera ba ko n da ka yãku dɔ̃ɔ sɔ̃re yãku yeru wɔllɔ nge mɛ ba gerua woodan tireru sɔɔ. 36Mɛya sa Gusunɔ nɔɔ mwɛɛru kua sa nɛɛ, sa ko n da ka bɛsɛn gberun dĩa gbiikinu ka bɛsɛn dãa marum gbiikum be ba sɔmburu mɔ̀ yãku yerɔ naawɛ Yinni Gusunɔn sãa yerɔ 37ka bɛsɛn bii gbiikobu ka sere maa bɛsɛn yaa sabenun bii gbiikinu nge mɛ ba yorua woodan tireru sɔɔ. 38Mɛya sa ko maa ka bu bɛsɛn som kpam ka bɛsɛn dãa marum gbiikum ka bɛsɛn tam kpam ka bɛsɛn gum kpam naawa. Sa maa nɔɔ mwɛɛru kua sa nɛɛ, sa ko wɔkuru baateren wɔllɔ tia wɛ̃ bɛsɛn gbean dĩanu sɔɔ. Lefiban tiiwa ba koo ye mwɛɛri wusu kpuron di tem mɛ̀ sɔɔ sa gbea mɔ. 39Yãku kowo wi u sãa Aronin bweseru wiya u koo Lefiba yɔ̃siri sanam mɛ ba koo wɔkuru baateren wɔllɔn tia tia ye mwa. Kpa Lefi ben tii bu maa ka ye ba mwa min wɔkuru baateren wɔllɔn tia tia na Gusunɔ ben Yinnin sãa yerɔ diru mi ba ra arumani bere. 40Isireliba ka Lefiba ba koo ka ben kɛ̃nu nawa mi ba ra yãkunun dendi yãnu bere Yinni Gusunɔn sãa yerɔ ka sere mi yãku kowobu ka sãa yerun kɔ̃sobu ka wom kowobu ba ra sɔmburu ko. Kɛ̃ɛ niya alikama ka tam kpam ka gum. Nge mɛya sa ǹ maa ka Yinni Gusunɔn sãa yeru derimɔ.

will be added

X\