Yosue 15

1Tem mɛ ba Yudan bwese kɛra wɛ̃, mɛn sɔ̃ɔ yɛ̃san nɔm dwaru gia mu yɔ̃rawa Edɔmun tem nɔɔ bura yerɔ. Mi gia n sãawa batuma mi gãanu ku ra kpi. Yera ba sokumɔ Sini. 2Bera min nɔɔ bura yeru ta toruawa saa nim wɔ̃ku bɔruguun di 3ma ta da gunguu te ba mɔ̀ Akarabimuɔ ka Siniɔ sere ka Kadɛsi Baanɛaɔ. Saa maa min di, ta da Hɛsironiɔ ka Adariɔ sere ka Kaakaaɔ. 4Saa min di ta da Asimɔɔn bera gia n ka da Egibitin daarɔ, ma ta daa te swĩi sere nim wɔ̃ku ge ba mɔ̀ Mɛditeranɛɔ. Nge mɛya Yudaban tem nɔɔ bura yeru ta sãa sɔ̃ɔ yɛ̃san nɔm dwaru gia. 5Sɔ̃ɔ yari yeru gia nim wɔ̃ku bɔruguuwa ga sãa mɛn nɔɔ bura yeru, n ka girari mi Yuudɛnin daara ra nim sure. 6Saa min di, mɛn sɔ̃ɔ yɛ̃san nɔm geu gian nɔɔ bura yeru ta dawa Bɛti Hogulaɔ ka Bɛti Araban sɔ̃ɔ yɛ̃san nɔm geuɔ n ka girari Bohanin kperɔ. Bohani wi, u sãawa Rubɛnin bii. 7Saa min di, ta maa da Debiriɔ, Akɔɔn wɔwan bɔkuɔ. Saa min di ta da sɔ̃ɔ yɛ̃san nɔm geu gia sere Giligalin bɔkuɔ, Adumimun guurun deedeeru, yen daarun sɔ̃ɔ yɛ̃san nɔm dwaru gia, n ka da Eni Semɛsin bwiin bɔkuɔ, sere ka Eni Rogɛliɔ. 8Saa min di, ta sara ta da Bɛni Hinɔmun wɔwaɔ, Yebusin sɔ̃ɔ yɛ̃san nɔm dwaru gia, ye ba maa sokumɔ Yerusalɛmu, ka sere guu ni nu wãa wɔwa yen sɔ̃ɔ duu yeru gia, ka mi Refan wɔwa ya yɔ̃ra sɔ̃ɔ yɛ̃san nɔm geu gia. 9Saa maa min di ta da ta Nɛfitoan bwii girari n ka da wuu si su wãa guu te ba mɔ̀ Eforoniɔ, n ka maa da sere Balaɔ ye ba maa sokumɔ Yarimun wuu. 10Saa Balan di, ta maa da sɔ̃ɔ duu yeru gia n ka girari Seirin guuru gia ka guu te ba mɔ̀ Yarimun sɔ̃ɔ yɛ̃san nɔm geu gia Kɛsaloniɔ, ma ta da Bɛti Semɛsiɔ ka Tinnaɔ, 11ka Ekoronin sɔ̃ɔ yɛ̃san nɔm geu gia, n ka da Sikoroniɔ ka guu te ba mɔ̀ Bala gia sere Yabunɛɛliɔ ma ta yɔ̃ra nim wɔ̃ku ge ba mɔ̀ Mɛditeranɛɔ. 12Nim wɔ̃ku geya, ga sãa tem mɛn nɔɔ bura yeru sɔ̃ɔ duu yeru gia. Nge mɛya ba Yudaban tem mɛn nɔɔ bura yenu yi yi. 13Ba Kalɛbu Yɛfunɛn bii Yudaban tem gam wɛ̃ nge mɛ Yinni Gusunɔ u Yosue sɔ̃ɔwa. Ba nùn Ariban wuu wɛ̃ ye ba maa mɔ̀ Heboroni. Ariba wi, u sãawa Anakiban sikado. 14Kalɛbu wi, u Anakiban bwesenu ita gira. Bera Sesaiba ka Akimaniba ka sere Talimaiba. 15Heboronin diya u seewa u da u Debirigibu wɔri. Wuu gera ba ra raa soku Sefɛɛn wuu. 16Ma Kalɛbu u nɛɛ, wi u kpĩa u Sefɛɛn wuu kamia, yɛ̃rowa u koo win bii wɔndia Akusa kɛ̃ u sua kurɔ. 17Yera Otiniɛli, Kalɛbun mɔɔ Kenasin bii, u wuu ge kamia. Ma Kalɛbu u nùn win bii wɔndia wi wɛ̃ kurɔ. 18Sanam mɛ kurɔ wi, u dua Otiniɛlin yɛnuɔ u kpa, yera u nùn bwisi kã u nɛɛ, a doo a tem bikia nɛn tundon mi. Adama kurɔ win tii u da win tundo Kalɛbun mi. Ye u tura mi, u sara saa win kɛtɛkun di. Yera Kalɛbu u nùn bikia u nɛɛ, mba a kĩ. 19Ma u wisa u nɛɛ, a suuru koowo a man bwii kɛ̃. Domi bera ye a man wɛ̃ sɔ̃ɔ yɛ̃san nɔm dwaru gia, nim sari mi. Ma Kalɛbu u nùn bwii wɛ̃ yi yi wãa guunɔ ka wɔwaɔ. 20Tem mɛ ba sia sia mini kpurowa mu kua Yudan bwese kɛran tubi. 21Wuu si su wãa Edɔmun tem nɔɔ bura yeru gia Yudaban tem sɔ̃ɔ yɛ̃san nɔm dwaru gia, siya Kabisɛɛli, ka Edɛɛ ka Yaguri, 22ka Kina, ka Dimɔna, ka Adada, 23ka Kedɛsi, ka Hasori, ka Itinani, 24ka Sifu, ka Telɛmu, ka Bealɔtu, 25ka Hasori Hadata, ka Keriɔtu Hɛsironi ye ba maa sokumɔ Hasori, 26ka Amamu, ka Sema, ka Mɔlada, 27ka Hasori Gada, ka Hɛsimɔɔ, ka Bɛti Palɛti, 28ka Hasaa Suali, ka Beri Seba, ka Bisotia, 29ka Bala, ka Iyimu, ka Asɛmu, 30ka Ɛlitoladi, ka Kesili, ka Hɔɔma, 31ka Sikilagi, ka Madimana, ka Sansana, 32ka Lebaɔti, ka Silimu, ka Aini, ka Rimɔɔ. Wuu si kpuro su kuawa tɛna tia sari, gen baagere ka gen baru kpaanu. 33Wuu si su maa wãa wɔwa sɔɔ, siya Ɛsitaoli, ka Sorea, ka Asina, 34ka Sanɔa, ka Eni Ganimu, ka Tapua, ka Enamu, 35ka Yaamuti, ka Adulamu, ka Soko, ka Aseka, 36ka Saaraimu, ka Aditaimu, ka Gedera, ka Gederɔtaimu. Si maa, su kuawa wɔkura nnɛ, gen baagere ka gen baru kpaanu. 37Ka Senani, ka Hadasa, ka Migidali Gadi, 38ka Dilani, ka Misipe, ka Yokutɛɛli, 39ka Lakisi, ka Bosikati, ka Egoloni, 40ka Kaboni, ka Lasimasi, ka Kitilisi, 41ka Gederɔtu, ka Bɛti Dagoni, ka Naama, ka Makeda. Si maa, su kuawa mi wɔkura nɔɔbu ka tia, gen baagere ka gen baru kpaanu. 42Ka maa Libina, ka Etɛɛ, ka Asani, 43ka Yifuta, ka Asina, ka Nɛsibu, 44ka Keila, ka Akisibu, ka Maresa. Ma si kpuro su maa kua nɔɔba nnɛ, gen baagere ka gen baru kpaanu. 45Ka maa Ekoroni, ye ka yen wuu marosu ka yen baru kpaanu. 46Ka sere wuu marosu ka baru kpaanu ni nu ka Asidɔdu sikerenɛ ka ni nu wãa Ekoroni ka nim wɔ̃ku ge ba mɔ̀ Mɛditeranɛn baa sɔɔ, 47ka Asidɔdu, ka Gasa, ka sin wuu marosu ka baru kpaanu, n ka girari Egibitin daarɔ sere n ka da nim wɔ̃ku ge ba mɔ̀ Mɛditeranɛɔ. 48Wuu si su maa wãa guunɔ, siya Samiri ka Yatiri ka Soko, 49ka Dana, ka Sanan wuu, ge ba maa mɔ̀ Debiri, 50ka Anabu, ka Ɛsitemɔa, ka Animu, 51ka Gosɛni, ka Holoni, ka Gilo. Ma si, su maa kua wɔkura tia, gen baagere ka gen baru kpaanu. 52Ka Arabu, ka Duma, ka Eseani, 53ka Yanumu, ka Bɛti Tapua, ka Afɛki, 54ka Humuta, ka Ariban wuu ge ba maa mɔ̀ Heboroni, ka Siori. Ma si kpuro su maa kua nɔɔba nnɛ, gen baagere ka gen baru kpaanu. 55Ka maa Maoni, ka Kaamɛli, ka Sifu, ka Yuta, 56ka Yisirɛɛli, ka Yokudeamu, ka Sanɔa, 57ka Kaɛni, ka Gibea, ka Tinna. Si kpuro su maa kua wɔkuru, gen baagere ka gen baru kpaanu. 58Ka sere maa Halulu, ka Bɛti Suri, ka Gedori, 59ka Marati, ka Bɛti Anɔtu, ka Eletekonu. Si kpuro su sãawa nɔɔba tia, gen baagere ka gen baru kpaanu. 60Ka sere maa Baalin wuu ge ba maa mɔ̀ Yarimun wuu, ka Raba. Ma si, su maa kua yiru, gen baagere ka gen baru kpaanu. 61Wuu si su wãa bera mi gãanu ku ra kpi, siya Bɛti Araba, ka Midini, ka Sekaka, 62ka Nibusani, ka wuu mi bɔra wãa, ka Eni Engɛdi. Si kpuro su kuawa wusu nɔɔba tia, gen baagere ka gen baru kpaanu. 63Adama Yudan bibun bweseru, ba ǹ kpĩa ba Yebusiba gire be ba wãa Yerusalɛmuɔ. Yen sɔ̃na ba wãa sere ka gisɔn gisɔ, ka Yudaba sannu.

will be added

X\