Yonasi 4

1Yera Yonasin mɔru seewa gãa ni Gusunɔ u Ninifugibu kuan sɔ̃. 2Ma u Yinni Gusunɔ sɔ̃ɔwa u nɛɛ, Yinni Gusunɔ, yeniban bɛruma na mɔ̀ sanam mɛ na wãa nɛn temɔ. Yen sɔ̃na na duka yakura fuuku na dɔɔ Taasisiɔ. Na yɛ̃ ma a sãawa wɔnwɔndugii, a maa suuru mɔ. Wunɛn kĩru ta kpã. A ra tɔnu kɔ̃sa wĩari ye a raa gɔ̃ru doke a nùn kua. 3Tɛ̃, a de n gbi, domi n buram bo n gbi ye ko na n ka wãa. 4Yinni Gusunɔ u nɛɛ, a ǹ gem mɔ Yonasi, a ka mɔru yenin bweseru ko. 5Yera Yonasi u yarima Ninifu yen min di u da u wãa yen sɔ̃ɔ yari yeru gia, u kuru gira mi. Miya u mara u wa ye ya koo wuu ge deema. 6Ma Yinni Gusunɔ u dãa kiku gagu kpiisia ga Yonasi gunum kere, gu ka nùn saaru kua, kpa win bwɛ̃ra yu kpuna. Yera n Yonasi dore too too. 7Adama sisiru bururu, Gusunɔ u maa dera kɔkɔru gara na ta dãa te di. Ma ta gbera. 8Sanam mɛ sɔ̃ɔ yara, u dera woo sum ga na saa sɔ̃ɔ yari yerun di. Ma sɔ̃ɔ wi, u Yonasi so wirɔ sere u wasikira. Ma u nɛɛ, n buram bo u gbi ye u ko n ka maa wãa. 9Yera Gusunɔ u nùn sɔ̃ɔwa u nɛɛ, a ǹ gem mɔ a ka mɔru ko dãa kiku gen sɔ̃. Ma Yonasi u nɛɛ, na gem mɔ n ka mɔru ko too too sere n gɔɔ kana. 10Ma Yinni Gusunɔ u wisa u nɛɛ, a ǹ sɔmburu garu kue dãa ten sɔ̃. N ǹ wunɛ a tu kpiisia. Wee ta kpɛ̃a wɔ̃ku teeru, ma ta gu wɔ̃ku kpaaru. Ka mɛ, wee a tu wɔnwɔndu kuammɛ. 11Ninifu wuu bɔkɔ gen tɔmbu ba sãawa tɔmbu nɔrɔbun suba wunaa teeru (120.000), ba ǹ maa gea ka kɔ̃san wunanɔ yɛ̃. Yera a ǹ kĩ n be ka ben yaa sabe dabinu wɔnwɔndu kua?

will be added

X\