Yonasi 3

1Yinni Gusunɔ u kpam Yonasi sɔ̃ɔwa u nɛɛ, 2Yonasi, a seewo a da Ninifu wuu maro gen mi. Kpa a gari yi gere yi kon nun sɔ̃. 3Ma Yonasi u seewa u da Ninifuɔ nge mɛ Yinni Gusunɔ u gerua. N deema Ninifu sãawa wuu bɔkɔ gè sɔɔ ba koo sĩ sɔ̃ɔ ita bu sere gen gooru wa. 4Ye Yonasi u tura mi, u sĩa tɔ̃ɔ giriru, u nɔɔgiru sue u gerumɔ u mɔ̀, sɔ̃ɔ weerun biru, Ninifu ya koo kpe. 5Ma Ninifugibu ba Gusunɔ naanɛ kua. Ba nɔɔ bɔkuru kpara, ba saakiba sebua nuku sankiranun sɔ̃ saa damgibun di n ka da bwɛ̃ɛbwɛ̃ɛbɔ. 6Ye Ninifun sina boko u gari yi nua ma u seewa saa win sina kitarun di u win yaberu pota. Ma u saaki sebua, u tii torom wisi wirɔ nuku sankiranun sɔ̃. 7Ma u kpara Ninifuɔ u nɛɛ, sina boko ka win sina asakpɔbu ba wooda yara ba nɛɛ, saa tɔnu sere ka yaa sabenɔ, bu ku gãanu di, bu ku maa nim nɔ. 8Kpa tɔmbu kpuro ka yaa sabenɔ, bu saakiba sebe nuku sankiranun sɔ̃. Kpa bu Gusunɔ nɔɔgiru sue ka dam bu nùn kana, kpa bu ben kom kɔ̃sum deri ka ben daa bɔɔbɔya ye ba ra raa ko. 9Sɔrɔkudo Gusunɔ u koo gɔ̃ru gɔsia kpa win mɔru yu sure u kun maa sun kam koosie. 10Ye Gusunɔ u wa ma Ninifugibu ba gɔ̃ru gɔsia, ba ben daa kɔ̃sa deri, yera u win himba gɔsia. Ma u ǹ maa bu kɔ̃sa ye kue ye u raa gɔ̃ru doke u bu kua.

will be added

X\