Yonasi 2

1Yinni Gusunɔ u dera swãa baka ya Yonasi mwɛ. Ma u kua wɔ̃kuru ita ka sɔ̃ɔ sɔɔ ita swãa yen nukurɔ. 2Swãa yen nukurun diya Yonasi u Gusunɔ win Yinni kana. 3U nɛɛ, Yinni Gusunɔ, sanam mɛ na wãa nuku sankiraru sɔɔ, na nun nɔɔgiru sue, ma a man wisa. Saa gɔribun wãa yerun di na nun soka. Ma a nɛn nɔɔ nua. 4Wee a man kpɛ̃ɛ sere nim wɔ̃kun sɔɔwɔ. Ma nim man mwɛ. Nim kurenu kpuro man taare. 5Na raa tii sɔ̃ɔmɔ na mɔ̀, wee a man gira wunɛn wuswaan di, na da sere mi n toma. Adama wee tɛ̃, kon maa wunɛn sãa yee dɛɛraru wa. 6Nim man mwɛ sere na kĩ n gbi. Mu man wukiri, ma yaka si su wãa mɛn sɔɔwɔ su man tɛ̃kusi sere wirɔ. 7Na numa na da sere guunun kpɛɛkpɛɛkuɔ, ma tem sɔɔwɔn gamboba ba man kɛnusi dim dim. Adama Gusunɔ nɛn Yinni, a man yara min di wasiru. 8Sanam mɛ na kom yaa bia na wunɛ Yinni Gusunɔ yaaya, ma a nɛn kanaru nua wunɛn sãa yee dɛɛrarun mi. 9Be ba bũnu sãamɔ, ba ǹ maa wunɛn durom wasi. 10Adama nɛ, kon nun yãkuru kua. Kon nun siara, kpa n nɛn nɔɔ mwɛɛru yibia. Yinni Gusunɔ, wuna a ra man faaba ko. 11Saa yera Yinni Gusunɔ u swãa ye sɔ̃ɔwa u nɛɛ, yu doo yu Yonasi sia kasaɔ. Ma swãa ye, ya da kasaɔ ya Yonasi sia.

will be added

X\