Yoɛli 3

1Yen biru kon nɛn Hunde doke tɔmbu kpuro sɔɔ. Bɛɛn bii tɔn durɔbu ka tɔn kurɔbu ba koo nɛn gari gere, kpa bɛɛn durɔ tɔkɔnu nu n dosusu mɔ̀, kpa bɛɛn aluwaasiba bu kãsinu wa. 2Baa ka yobɔ, kon bu nɛn Hunde wɛ̃wa tɔ̃ɔ te. 3Yen tɔ̃ɔ te sɔɔ, kon maamaakiba ko. Kon de yɛm ka dɔ̃ɔ ka wii bakasu sɔ̃ɔsira wɔllɔ ka temɔ. 4Sɔ̃ɔ u koo yam tĩra, kpa suru u swɛ̃ra nge yɛm, Yinni Gusunɔn tɔ̃ɔ nanumgii te, tu sere tunuma. 5Adama yen tɔ̃ɔ te, wi u Yinni Gusunɔ soka, u koo faaba wa. Gabu ba koo kisira nɔni swãa ten di Siɔnin guurɔ Yerusalɛmuɔ nge mɛ Yinni Gusunɔ u gerua. Beya be u soka ba n ka wãaru mɔ.

will be added

X\