Yoobu 40

1Yinni Gusunɔ u maa Yoobu sɔ̃ɔwa u nɛɛ, 2wunɛ wi a ka tii yinamɔ nɛ, Yinni Gusunɔ Dam kpurogiin wuswaaɔ, kaa gari wa a gere? 3Ma Yoobu u Yinni Gusunɔ wisa u nɛɛ, 4wee na ǹ sãa gãanu. Mba kon kpĩ n nun wisi. Kon nɔɔ nɛnɛwa n mari. 5Na gari dabinu gerua kɔ, na ǹ maa gɛɛ gerumɔ. 6Ma Yinni Gusunɔ u Yoobu wisa guru woo bɔkɔ gagun di u nɛɛ, 7a sɔɔru koowo, kpa a yɔ̃ra nge tɔn durɔ wɔrugɔ. Kon nun gari bikia kpa a man yi tubusia. 8Yoobu, kaa kpĩ a man sɔ̃ ma na ǹ gem mɔ? Kaa man taarɛ wɛ̃, kpa a tii gem wɛ̃? 9Wunɛn dam mu nɛ Gusunɔgim tura? Wunɛn nɔɔ ga koo kpĩ gu nɔɔra ka dam nge nɛguu? 10Ǹ n mɛn na, a wunɛn yiiko ka wunɛn bɛɛrɛ sɔ̃ɔsio, 11kpa a wunɛn mɔru sɔ̃ɔsi, a be ba tii sue nɔni girari a sura. 12A bu nɔni mɛniɔ, kpa a bu sekuru doke. A kɔ̃san kowobu kpeerasio mi ba wãa, 13kpa a bu sike sannu ba n wãa gɔribun wãa yerɔ, mi ba ǹ bu wasi. 14Saa yera nɛ Gusunɔ kon nun wɔlle sua. Domi wunɛn dam mu nun nasara wɛ̃ɛmɔ. 15Kpera wee, ye na wãaru wɛ̃ nge wunɛ. Yakasa ya ra di nge naa. 16Yen dam mu wãawa yen gabu ka yen wasin yaa sɔɔ. 17Ya ra kpĩ yu yen siru bɔbiasie tu ko nge dãa damgia. Kpa yen sĩinu nu n sãa nge ni ba tara. 18Yen kukunu sãa nge sii gan te ta wem mɔ, ma yen wasin kãasi yi sãa nge sii bokuru. 19Ya sãawa nɛn taka koora ye ya tɔmbu biti mɔ̀ n kere. Na ye donnu dokea. 20Ya ra yen dĩanu wawa guunɔ mì gbeeku yɛɛ kpuro yi ra mɛnnɛ yi dwee. 21- 22Kpa yu da yu kpuna dãa kiku gagun saarɔ ge ga wuru bakasu mɔ, ǹ kun mɛ naa yari sɔɔ, ǹ kun mɛ dãru garun kɔkɔrɔ daru bɔ̃ɔwɔ. 23Baa daaru tà n nim yiba nge Yuudɛnin daaru, ya ǹ duka yakurɔ. Baa ten nim mù n ye wukiri ya ko n kpĩwa mi sɛ̃ɛ. 24A tamaa ka dama ba koo kpĩ bu ye mwa yà n yam mɛɛra? Nge a tamaa ka yãakorora ba koo ye mwa bu wɛ̃ru yaba. 25Karaku maa ni. A gu kɔkɔru sɔrere gen yaraɔ a yarama? 26Kaa kpĩ a wɛ̃ɛ damgii doke gen wɛ̃rɔ, kpa a gen baa saburo yaba ka kuura? 27Ga koo nun suuru kana gu nun gari dori sɔ̃, 28kpa gu ka nun arukawani bɔke, gu ko wunɛn yoo sere gu ka gbi? 29Kaa wura a ka gu dwee nge mɛ ba ra ka gunɔ dwee? Kaa wura a ge bɔke wunɛn wɔndiaba bu ka dwee? 30Sɔrɔkɔba ba koo wura bu gu tenkuba dɔre, kpa bu gen yaa bɔɔri bu dɔra? 31Kaa kpĩ a gen gɔnan wɔllɔ sɛ̃ɛnu twee, kpa a gen wiru yaasa sɔku? 32À n nɛɛ, kaa ka gu sanna, à n gu baba, a ǹ maa gu babamɔ sia.

will be added

X\