Yeremi 45

1Sanam mɛ Baruku Nɛriyan bii u gari yi yorua tireru sɔɔ yi Yeremi u nùn sɔ̃ɔwa Yoyakimu, Yosiasin bii, Yudaban sina bokon bandun wɔ̃ɔ nnɛse sɔɔra mi. Yen biru Yeremi u Baruku sɔ̃ɔwa u nɛɛ, 2wee ye Gusunɔ Isireliban Yinni, u gerua wunɛn sɔ̃. 3U nɛɛ, a gerumɔ a mɔ̀, a kam kuawa domi wi, Yinni Gusunɔ u wunɛn wahala sosimɔ. Ma a weeweenu mɔ̀ sere a wasira. Adama a bia mi kaa wɛ̃ra. 4Wee, ye Yinni Gusunɔ u nɛɛ n nun sɔ̃. U nɛɛ, u koo ye u raa bana kɔsukuwa, kpa u ye u raa duura wukiri. Yen tubusiana, u koo tem mɛ kpuro sanku. 5U maa nɛɛ, gãa bakana a kasu wunɛn tiin sɔ̃? A ku be nu kasu. Domi u koo de kɔ̃sa yu na yu tɔmbu kpuro wɔri. Adama wunɛ u koo wunɛn wãaru yara mi a da kpuro. Tera ta ko n sãa nge wunɛn arumani ye a gura tabu sɔɔ.

will be added

X\