Esai 54

1Wunɛ Yerusalɛmu, wunɛ wi a sãa nge kurɔ wi u kun bii mɔ, a nuku dobu koowo ka kuuki, domi wunɛ wi ba raa yina, kaa bibu ma ba n dabi, n kere wi u ra n marumɔn bibu. 2A wunɛn kuu bekurugirun batuma sosio, kpa bu ten beka dɛmia. A ten wɛ̃ɛ dɛnyasio, kpa a ten dãnu gira nu n dam mɔ. A tii kusio, a ku tii bɔke. 3Domi kaa kɔwara baama. Wunɛn bibun bweseru ta koo bwese ni nu tien tem mwɛɛri, kpa tu da tu sina wuu sìn mi goo kun maa wãa. 4A ku nanda, domi a ǹ sekuru wasi. A ku tuka, domi a ǹ maa bɛɛrɛ biamɔ. Kaa wunɛn yellun sekuru duari. A ǹ maa yaayamɔ nge mɛ a nɔni sɔ̃ɔra wunɛn turorun saa sɔɔ. 5Domi nɛ, wunɛn taka kowo na sãawa nge wunɛn durɔ. Nɛn yĩsira Gusunɔ, wɔllu ka tem Yinni, ka Isireliban Yinni Dɛɛro, ka handunia kpuron Yinni. Nɛna na nun yakia. 6A sãawa nge tɔnun kurɔ gbiikoo wi durɔ u yina ma kurɔ wi, u nuki sankire. Adama tɛ̃, na nun sɔ̃ɔmɔ na mɔ̀, 7na raa nun deri saa fiiko, adama tɛ̃, kon nun mwa ka kĩi bakaru. 8Na raa ka nun mɔru kua too saa fiiko, na nun nɛn wuswaa sĩiyari, adama tɛ̃, na wunɛn wɔnwɔndu mɔ nɛn kĩi te ta ku ra kpen sɔ̃. Nɛ wi na nun yakiamɔ, nɛna na yeni gerua. 9Nge mɛ na bɔ̃rua Nɔwɛn saa sɔɔ, na nɛɛ, nim yibu bakaru ta ǹ maa tem kpuro wukirimɔ, nge mɛya na maa bɔ̃rua gisɔ na nɛɛ, na ǹ maa nun gerusimɔ ka mɔru. 10Baa guunu nù n swɛnya, ma gungunu nu kɔsikira, nɛn kĩru ta ǹ nun dɛsirarimɔ. Mɛya maa bɔri yɛn tèn nɔɔ mwɛɛru na nun kua, ta ko n wãawa sere ka baadommaɔ. Nɛ, Yinni Gusunɔwa na yeni gerua, nɛ wi na wunɛn wɔnwɔndu mɔ. 11Yinni Gusunɔ u nɛɛ, Yerusalɛmu, wunɛ wi wahala ya so nge woo bɔkɔ, ma goo kun nun nukuru yɛmiasie, wee, kon wure n wunɛn kpɛɛkpɛɛku swĩi kpa n nun bani ka kpee gobiginu. 12Kon wunɛn gbãraru bani ka kpee swãanu ka kpee booguginu, kpa ten gamboba ba n sãa kpee ni nu ballimɔ nge digi, ten kɔ̃sobun wãa yenu nu n sãa kpee swãanu. 13Nɛna kon wunɛn bibu kpuro keu sɔ̃ɔsi, kpa ben dukia ya n kpã. 14Kon de a n dam mɔ. A ku wurura, a ku bɛrum ko, domi gãanu kun nun bɛsumɔ. 15Be ba wesianamɔ bu ka nun seesi, na ǹ wãa ka be. Be ba nɔɔ tia kua bu ka nun wɔri, kaa bu kamiawa. 16A seko mɛɛrio a wa. Nɛna na nùn kua u dɔ̃ɔ bɔɔnu wuremɔ, ma u tabu yãnu sekumɔ. Nɛ turo wiya na ra maa goo seesie u nu bɔɔku. 17Yen sɔ̃na tabu yãa ni ba sekumɔ wunɛn sɔ̃, nu ǹ gãanu mɔ̀. Wi u ka maa nun da siri gbaburɔ, siribu koo yɛ̃ro di. Yeniwa kon nɛn sɔm kowobu kua. Nge mɛya kon maa bu faaba ko. Nɛ, Yinni Gusunɔwa na gerua mɛ.

will be added

X\