Esai 4

1Saa ye sɔɔ, tɔn kurɔbu nɔɔba yiru ba koo durɔ turo sɔ̃ bu nɛɛ, sa ko bɛsɛn tii diisia kpa su tii sebusia. A gesi sun sekuru wunɔ kpa a de sa n wunɛn yĩsiru sɔɔwa. 2Ye Yinni Gusunɔ u koo kpiisia saa ye sɔɔ, ya ko n sãawa bɛɛrɛ ka girima Isireli be ba tien sɔ̃. Kpa tem mɛ, mu dĩa geenu ma nu n sãa ben nuku dobu. 3Be, be Yinni Gusunɔ u gɔsa mi, u ben yĩsa yorua ba n ka wãa Yerusalɛmuɔ, ba koo bu sokuwa tɔn dɛɛrobu. 4Yinni Gusunɔ u koo Yerusalɛmun tɔn kurɔbu disi wɔka, kpa u wuu gen tii dɛɛrasia, u gu siri ka win dam bakam tɔn be ba raa gon sɔ̃. 5Yen biru u koo de dɔ̃ɔ wii bakaru tu Siɔnin guuru kpuro ka mɛnnɔ yenu wukiri sɔ̃ɔ sɔɔ, kpa dɔ̃ɔ yara ya n wãa wɔ̃kuru guu ten wɔllɔ, kpa win yiikon girima yu wuu ge wukiri, 6kpa ya n sãa nge kuru te ta ko n bu saaru sãawɛ yam susurun saa, ka maa kuku yeru woo bɔkɔ ka guran sɔ̃.

will be added

X\