Esai 27

1Tɔ̃ɔ te sɔɔ, Yinni Gusunɔ u koo waa kɔ̃sa ye ya duka mɔ sɛɛyasia ka win takobi damgia ye ya kpã, kpa u yaa kɔ̃sa ye go, ye ya wãa nim wɔ̃ku sɔɔ. 2Yen tɔ̃ɔ te, Yinni Gusunɔ u koo womu ko win resɛm gbaarun sɔ̃, te ta bii geenu marumɔ, u nɛɛ, 3nɛ, Yinni Gusunɔwa na tu nɔɔrimɔ. Nɛna na tu nim yɛ̃kamɔ saa kpuro. Na tu kɔ̃su sɔ̃ɔ sɔɔ ka wɔ̃kuru, goo u ku raa ka tu wɔri u mwa. 4Na ǹ maa ka nɛn resɛm gbaa te mɔru sãa. Adama nà n sãki ka awĩi wa mi, kon yi wɔriwa n dɔ̃ɔ mɛni, 5ma n kun mɔ yi man kua yin kuku yeru, ma yi ka man nɔɔ tia kua. Yì n kua mɛ, kon yi deri. 6Saa gaa sisi yè sɔɔ Isireliba ba koo gbini gira bu kɛri ko nge dãa, bu wɛ̃su ko bu ma kpa ben binu nu handunia yibu. 7Yinni Gusunɔ u ǹ bu sɛɛyasie nge mɛ u ben yibɛrɛba sɛɛyasia. U ǹ maa bu go nge mɛ u ben yibɛrɛba go. 8U bu sɛɛyasiawa saka sɔɔ. U dera yibɛrɛba ba na nge sɔ̃ɔ yari yerun woo damguu, ba bu gura ba ka doona. 9Nge mɛya u ka Isireliban durum wɔka. Wee ye n koora yen biru. U ben bũu turanu gɔsia torom. Ba ǹ maa Asitaaten bwãarokunu ka sɔ̃ɔginu seeyamɔ. 10Ben wuu damguu ge, ga kua bansu, ba gu deri. Miya n kua yaa sabenun kpara yeru ka nin kpin yeru. Ma nu kiku si su tiara dimɔ. 11Dãa yà n gbera ba ra ye bɔɔriwa kpa tɔn kurɔbu bu ka doo ko. Wee nɛn tɔn be, ba ǹ bwisi mɔ. Yen sɔ̃na Yinni Gusunɔ wi u bu taka kua u ǹ bu wɔnwɔndu kue, u ǹ maa bu durom kue. 12Saa gaa sisi yè sɔɔ Yinni Gusunɔ u koo bɛɛ Isireliba sira nge dãru, kpa bu bɛɛ dɔbiri tia tia saa Efaratin daarun di n ka girari Egibitin daarɔ. 13Yen tɔ̃ɔ te, ba koo kɔbi baka so kpa be ba raa yoru mwɛɛra ba woo Asiriɔ ka be ba kpikiru da Egibitiɔ bu wurama. Kpa bu yiira bu Yinni Gusunɔ sã guu dɛɛra ten mi, Yerusalɛmuɔ.

will be added

X\