Esai 20

1Wɔ̃ɔ gè sɔɔ Saagoni Asirin sina boko u dera win tabu sunɔ Taatani u Asidɔdu wɔri u ye mwa, 2yen wɔ̃ɔ ge sɔɔra Yinni Gusunɔ u Esai Amɔtin bii gari yini sɔ̃ɔwa u nɛɛ, a saaki ye poto ye a pɔra sɛ̃ke mi, kpa a wunɛn baranu pota a sĩ naa dirisu. Ma u kua mɛ. U yɔ̃ra basi ma u sĩa ka naa dirisu, n ka kua wɔ̃ɔ ita. Yera Yinni Gusunɔ u nɛɛ, 3wee nɛn sɔm kowo Esai u yɔ̃ra basi ma u ka naa dirisu sĩa n ka kua wɔ̃ɔ ita. Yeni ya sãawa yĩreru te ta sɔ̃ɔsimɔ ye ya koo Egibitigibu ka Etiopigibu deema. 4Asirin sina boko u koo Egibitigibu ka Etiopigibun aluwaasiba ka ben durɔ tɔkɔnu yoru mwɛɛri kpa bu yɔ̃ra basi ba n sĩimɔ ka naa dirisu, kpa yu ko seku bakaru Egibitiɔ. 5- 6Saa ye sɔɔra sɔ̃ɔ duu yerun tɔmbu be ba raa ben naanɛ doke Etiopi sɔɔ ka be ba tii sue Egibitigibun somirun sɔ̃, ba koo bɛrum soora, kpa bu burisina. Ba koo gere bu nɛɛ, be wee ba wɔruma be sa raa naanɛ sãa bu sun faaba ko, kpa bu sun wɔra Asirin sina bokon nɔmun di. Tɛ̃ amɔna sa ko ko su ka yari.

will be added

X\