Esai 12

1Sɔ̃ɔ teeru, be ba yakiara ba koo nɛɛ, Yinni Gusunɔ, sa nun siara, domi a raa ka sun mɔru kua, ma wunɛn mɔru ya sure. A sun nukuru yɛmiasia. 2Wuna a sãa bɛsɛn Yinni, a sun faaba mɔ̀. Sa nun naanɛ sãa, sa ǹ maa gãanun bɛrum mɔ. Domi wuna a sãa bɛsɛn dam, wuna sa siaramɔ. Wuna a sãa bɛsɛn faaba kowo. 3Nge mɛ wi nim nɔru ga mɔ̀, ù n nim wa, u ra n nuku dobu mɔ, nge mɛya bà n faaba wa ba koo nuku dobu ko, 4kpa tɔ̃ɔ te sɔɔ, bu gere bu nɛɛ, i Yinni Gusunɔ siaro, i win yĩsiru wɔlle suo. I win sɔm baka ni u kua kparo bwesenu kpuro sɔɔ. I tɔmbu yaayasio ma win yĩsira kpã. 5I Yinni Gusunɔ tɔmɔ, domi gãa bɛɛrɛgina u kua. I nin gari kparo handunia kpuro sɔɔ. 6Be ba wãa Siɔniɔ, bu nuku dobun kuuki koowo, domi Isireliban Yinni Dɛɛro u kpã, u maa wãa ben suunu sɔɔ.

will be added

X\