Osee 6

1Isireliba ba sɔ̃ɔna ba nɛɛ, i na su gɔsira Yinni Gusunɔn mi. Wee u sun so u mɛɛra kua. Adama u koo bɛsɛn mɛɛra ye nɔɔri u sun bɛkia. 2N ǹ maa tɛɛmɔ u ka sun wãaru wɛ̃, kpa sa n wãa win wuswaaɔ. 3I de su kasu su nùn gia. Nge mɛ sa ra n yɛ̃ kam kam ma sɔ̃ɔ u koo yari, nge mɛya sa n maa yɛ̃ ma u koo na. U koo nawa nge tom buruku gura ye ya ra tem yɛmiasie. 4Yinni Gusunɔ u nɛɛ, bɛɛ Yudaba ka Isireliba, mba kon bɛɛ kua. Wee bɛɛn kĩru nɛn sɔ̃ ta sãawa nge bururun kakoru ǹ kun mɛ nge dirum mɛ mu ra yarinɛ fuuku. 5Yen sɔ̃na kon bɛɛ nɛn sɔmɔbu gɔriama bu bɛɛ sɔ̃ ma kon bɛɛ sɛɛyasia. Kpa bu maa bɛɛ sɔ̃ ma kon bɛɛ go. Nɛn siribu bu koo sɔ̃ɔsira nge yam bururam. 6Domi wɔnwɔnda na kĩ, n ǹ mɔ yãkuru. Mɛya na maa kĩ nɛn tɔmbu bu man gia n kere bu man yãku dɔ̃ɔ mwaararuginu kua. 7Ba nɛn arukawani kusia nge mɛ tɔmbu ba ra n kuanammɛ. Wee ba man tɔnu kandu kua. 8Galadigibu ba sãawa tɔn kɔ̃sobu ma ba yɛm yari baama. 9Nge mɛ swaa diobu ba ra n swaa mara, nge mɛya yãku kowobun wuuru ta wãa Sikɛmun swaaɔ ta tɔmbu goomɔ. 10Na gãa kɔ̃sunu wa Isireliɔ, niya ba bũnu gasirimɔ, ba tii disi dokemɔ nge sakara kowo. 11Saa ya sisi yè sɔɔ kon maa bɛɛ Yudaba sɛɛyasia. Yinni Gusunɔ u nɛɛ, sanam mɛ na kĩ nɛn tɔmbu Isireliba bu wurama yorun di,

will be added

X\