1 Ma Osee u nɛɛ, Yinni Gusunɔ u man sɔ̃ɔwa u nɛɛ, n doo n kpam nɛn kurɔ wi kĩa wi goo u kĩa ma u sekuru sariru mɔ̀. N kurɔ wi kĩɔ nge mɛ wi, Yinni Gusunɔ u Isireliba kĩ, baa mɛ ba nùn biru kisi ba da ba bũnu sãamɔ ma ba resɛm kiranu kĩ ni ba ra ka bũu ni sã. 2 Ma na da na kurɔ wi yakia ka sii geesun gobi wɔkura nɔɔbu ka sere ɔɔsu ditiri nata (600). 3 Ma na nùn sɔ̃ɔwa na nɛɛ, a de a n wãa nɛn sɔ̃ n ka tɛ. A ku maa sakararu ko. A ku maa da durɔ goon mi. Nɛn tii kon maa tii nɛnɛ. 4 Nge mɛya Isireliba ba ko n wãa sunɔ sari n ka tɛ. Mɛya ba ǹ ko n maa wirugii mɔ. Ba ǹ maa yãkunu mɔ̀. Ba ǹ maa bũnu ganu sãamɔ. Mɛya yãku kowo goo kun ko n maa wãa ben suunu sɔɔ u ka bu bikiaru kua. 5 Yeniban biru, ba koo wurama bu Gusunɔ ben Yinni kasu ka maa ben sikado Dafidin bandu wi u raa sãa ben sina boko. Ba koo nuku dobu ko bà n Yinni Gusunɔ wa ka win kĩi te u koo bu sɔ̃ɔsi saa ye sɔɔ.
