Osee 13

1Yellu Efaraimubara ba dam bo Isireliba sɔɔ. Bà n bwese kɛri yi yi tie gari sɔ̃ɔwa, ba ra nandewa. Adama ba bũu wi ba mɔ̀ Baali sãwa, ma ba gu. 2Wee sere ka tɛ̃, ba durum mɔ̀ ba dɔɔ. Ba tii bwãaroku sii geesuginu kua. Ben tiiwa ba bwisika ma ba nu seka ka ben nɔma nu ka naa binu weenɛ. Ma ba gerumɔ nin sɔ̃ ba mɔ̀, be ba yãkuru na, bu yiiro bu naa bii ni sɔ̃su. 3Yen sɔ̃na ba koo doona nge bururun kakoru ǹ kun mɛ nge dirum. Ba sãa nge yaka si ba gura ba yari doo soo yerun di su ka woo doonɔ ǹ kun mɛ nge wii si su yarimɔ gbaburun di. 4Adama nɛ, na sãawa Gusunɔ ben Yinni saa mìn di na bu yarama Egibitin di. Ba ǹ maa Yinni goo mɔ ma n kun mɔ nɛ. Faaba kowo maa sari nɛ baasi. 5Na bu kpara saa mìn di ba wãa gbaburɔ mi gãanu ku ra kpi. 6Sanam mɛ ba dua tem mɛ sɔɔ, ba di ba deba nge yaa sabe ni ba kpare, ma ba tii suabu torua ba man duari. 7Tɛ̃, ko na n sãawa nge gbee sunɔ na n bu mara swaaɔ nge musuku gbeeku. 8Kon bu wɔrimawa nge gbeeku yaa gɔba yèn binu ba mwa. Kpa n ben toronu bɛsuku. Mɛya kon bu kasuku nge mɛ gbeeku yɛɛ yi ra yaa kasuku, kpa gbee sunɔ niu gu bu tem. 9Isireliba, wee i kam kua yèn sɔ̃ i man seesi nɛ wi kon kpĩ n bɛɛ somi. 10Mana bɛɛn sina boko u wãa. I de u bɛɛ faaba ko bɛɛn wusu kpuro sɔɔ. Mana bɛɛn kparoba wãa be i bikia i nɛɛ, bu bɛɛ sinambu kua. 11Na raa bɛɛ sina boko wɛ̃ ka mɔru. Mɛya kon maa bɛɛ nùn mwaari ka mɔru. 12Na Isireliban durum yorua na yii sere saa gaa. 13Isirelin bweseru ta sãawa nge bii wìn marubun saa ya tura ma u kpasa wɔri mɔ̀, adama bii wi, u yina u yarima. 14Kon bu wuna saa gɔribun wãa yerun dam di. Kpa n bu yakia gɔɔn nɔman di. Gɔɔ, a na ka wunɛn bara te a ra ka tɔnu go. Gɔribun wãa yeru, a na ka wunɛn kam kootia. Domi na ǹ maa ben wɔnwɔndu mɔ̀. 15Baa Isireliba bà n kuura amɔ, begibun suunu sɔɔ, yibɛrɛba ba koo na nge woo sum saa sɔ̃ɔ yari yerun di. Nɛ, Yinni Gusunɔ na kon bu seeyamawa gbaburun di, kpa bu dɔkɔba gberasia. Kpa bwii yi nim kpe. Gãa ni nu gea sãa kpurowa ba koo gura bu ka doona.

will be added

X\