Esekiɛli 8

1Wɔ̃ɔ nɔɔba tiasen suru nɔɔba tiasen sɔ̃ɔ nɔɔbuse sɔɔ, Esekiɛli u sɔ̃ win dirɔ ka Yudan guro gurobu. Yera Yinni Gusunɔn dam nùn yɔɔwa. 2Yera u mɛɛra u wa gãanu kurama nu ka tɔnu weenɛ. Win pɔran tem gia ya sãa nge dɔ̃ɔ ma win wɔllu gia ya ballimɔ nge sii gan te ba wɔriasia. 3Ma u gãanu dɛmia nge nɔma u ka wi, Esekiɛlin seri nɛnua. Kãsi te sɔɔ, Gusunɔn Hunde nùn sua wɔllɔ ma u ka nùn da Yerusalɛmuɔ. U deema yen kɔnnɔ ge ga wãa sɔ̃ɔ yɛ̃san nɔm geu gia ba bwãaroku gagu yɔ̃rasie ge ga Gusunɔn nisinu seeye. 4Ma Gusunɔ Isireliban Yinnin yiikon yam bururam nùn kure mi nge mɛ u raa mu wa wɔwaɔ. 5U nɛɛ, tɔnun bii, a mɛɛrio sɔ̃ɔ yɛ̃san nɔm geu gia. Ma u mɛɛra. U wa yãku yerun duu yerɔ bwãaroku gaga yɔ̃ ge ga Gusunɔn nisinu seeye. 6Ma Yinni Gusunɔ u nɛɛ, tɔnun bii, a wa ye ya kooramɔ mi? Wee Isireliba ba bũnu sãamɔ bu ka man gira nɛn sãa yerun di. N ǹ maa ye tɔna, kon kpam nun gam sɔ̃ɔsi. 7Ma u maa nùn sua u ka da tɔɔwɔ sãa yerun yaaran kɔnnɔwɔ. Ma u wɔru gagu wa ganaɔ. 8Gusunɔ u nɛɛ, tɔnun bii, a gana ye yabo. Ma u ye yaba u deema kɔnnɔ gaga wãa mi. 9U nɛɛ, a duo kpa a wa kom kɔ̃sum mɛ tɔn be, ba mɔ̀ mini. 10U dua mi. Ye u wa wee, yɛɛ yi yi ra kabiri ka yɛɛ kɔ̃si gɛɛn weenasii ba kua gani sɔɔ ba ka sikerena ka sere maa bũnu kpuro ni ba ra sã. 11Ma u Isireliban guro gurobu wa tɔnu wata ka wɔkuru yɛɛn weenasii yi kpuron wuswaaɔ. Ma Yaasania Safanin bii u wãa be sɔɔ. Bukuro ben baawure u turare ka gãanu nɛni yè sɔɔ ba ra turare dɔ̃ɔ doke. Ma turaren wiisu bɔkua wɔllɔ tuku tuku. 12Yinni Gusunɔ u bikia u nɛɛ, tɔnun bii, a wa ye Isireliban guro gurobu ba mɔ̀ asiri sɔɔ? Ben baawure u win bũu yeru mɔ. Ma ba tii gafara kuammɛ ba mɔ̀, nɛ, Yinni Gusunɔ na ǹ bu waamɔ. Domi na ben tem deri. 13U nɛɛ, a na a maa wa ye ba mɔ̀ ye ya yeni kere. 14Ma u ka nùn da win sãa yerun kɔnnɔwɔ ge ga sɔ̃ɔ yɛ̃san nɔm geu gia mɛɛra. U deema tɔn kurɔba sɔ̃ ba bũu wi ba mɔ̀ Tamusi swĩiyammɛ. 15Yera u maa nɛɛ, a wa nge mɛ mi n sãa? Tɛ̃, a na a maa gam wa ye ya yeni kere. 16Ma u nùn sua u ka da sãa yerun yaaraɔ yãku yeru ka dii dɛɛrarun kɔnnɔn baa sɔɔ. Miya u tɔmbu yɛnda nɔɔbu wa ba sãa yeru biru kisi ba yiire sɔ̃ɔ yari yeru gia ba sɔ̃ɔ sãamɔ. 17Gusunɔ u maa nɛɛ, wunɛn tii a wa ye ba mɔ̀. Yeniba kpuron kobu ya ǹ Yudaba tura, ma ba maa kɔ̃sa mɔ̀ ba goonamɔ tem mɛ sɔɔ bu ka nɛn mɔru seeya. Adama beya ba tii wɛ̃ru dɛka sɔkumɔ. 18Nɛn tii kon bu ye ba kua kɔsie ka nɛn mɔru baka. Na ǹ bu mɛɛrimɔ ka wɔnwɔndu. Ba koo wuri kowa ka dam bu ka man somiru kana. Adama na ǹ bu swaa dakimɔ.

will be added

X\