Esekiɛli 4

1Yinni Gusunɔ u nɛɛ, wunɛ Esekiɛli tɔnun bii, a biriki suo kpa a ye doke wunɛn wuswaaɔ a Yerusalɛmun weenasia ko ka yora biriki yen wɔllɔ. 2A ye koowo nge wuu ge ba tarusi, a kuku yenu doke kpa a gungunu bani a sansani gira kpa a tabu sinambu yi yi a ka sikerena. 3A sii si su yasu suo kpa a su doke wunɛ ka ganan baa sɔɔ, kpa a su wuswaa kisi. Ba koo gu tarusi, wunɛn tii kaa n gu yɔ̃re, kpa ye kpuro ya n sãa yĩreru Isireliban sɔ̃. 4Yen biru kpa a kpuna ka wunɛn yɛ̃si nɔm dwarugia kpa a n Isireliban toranu sɔɔwa sere tɔ̃ɔ te kaa se. 5Tɔ̃ɔ nin geeru ta kon sãawa wɔ̃ɔ sin geeru, sì sɔɔ Isireliba ba man torari. Nu sãawa sɔ̃ɔ gooba wunɔbu ka wɛnɛ ka wɔkuru (390). Tɔ̃ɔ ni kpuro sɔɔra kaa n ben tora ni sɔɔwa. 6Yen biru kpa a gɔsia a ka wunɛn yɛ̃si nɔm geugia kpuna sɔ̃ɔ weeru kpa a wahala ko Yudaban toranun sɔ̃. Sɔ̃ɔ teeru ta ko n sãawa wɔ̃ɔ tia. 7Kpa a wunɛn wuswaa kisi Yerusalɛmu gia ye ba tarusi, kpa a ye gãseru kpare kpa a yen gari gere. 8Mɛya nɛ, Yinni Gusunɔ kon ka nun wɛ̃ɛ bɔke kpa a ku ra sĩira. Mɛya kaa n kpĩ ka yɛ̃si tia ye, sere tɔ̃ɔ te na nun bura mi, tu ka yibu. 9Kpa a alikama ka swii ka gbɛɛ ka dãsi ka dobi sua a ye mɛnna gbɛ̃ɛ teeru sɔɔ a burina a ka pɛ̃ɛ ko. Yera kaa n da di sere sɔ̃ɔ gooba wunɔbu ka wɛnɛ ka wɔku te, tu ka yibu, kpa a n kpĩ ka yɛ̃si tia ye. 10Pɛ̃ɛ kure piibuwa kaa n da di nge garamu goobun (200) saka sɔ̃ɔ teeru. Nge mɛya kaa n dimɔ mi sere tɔ̃ɔ te, tu ka yibu. 11Mɛya nim mɛ kaa maa nɔ mu ko n saka mɔwa, ditiri tian sakawa kaa n da nɔ sɔ̃ɔ teeru. 12Tɔmbun bii gbebusa kaa ka pɛ̃ɛ wɔ̃. Kaa n da ye wɔ̃wa ben nɔni biru. 13Nge mɛya Isireliba ba ko n da ben dĩanu di ka disi tɔn tukobun suunu sɔɔ mi kon bu yarinasia. 14Esekiɛli u Yinni Gusunɔ wisa u nɛɛ, na tii nɛnua disi kpuron di. Na ǹ yaa goru garu diire saa nɛn piiburun di. Na ǹ maa yaa disigia gaa tende. 15Yinni Gusunɔ u wisa u nɛɛ, a naa bisu suo a ka wunɛn doo ko kpa a tɔmbun bisu deri. 16Kon dĩanu fiiko ye ya tie Yerusalɛmuɔ kpeesia kpa bu bu dĩanu ka nim saka kua kpa bu di bu nɔ ka nuku sankiranu ka wururabu. 17Nge mɛya ba koo dĩanu ka nim bia kpa ba n nuki sankire be kpuro. Ba koo woorawa ben toranun sɔ̃.

will be added

X\