Esekiɛli 26

1Isireliban yorun wɔ̃ɔ wɔkura tiasen surun tɔ̃ɔ gbiikiru sɔɔra Yinni Gusunɔ u ka Esekiɛli gari kua. U nɛɛ, 2tɔnun bii, wee Tirigibu ba Yerusalɛmu yɛ̃ɛmɔ ba mɔ̀, wee ya kam kua yèn mi gia tɔmbu ba ra raa kpe bà n gam dɔɔ. Tɛ̃ ben mi gia tɔmba koo wura kpa be, bu gobi ko. Domi Yerusalɛmu ya kua bansu. 3Yen sɔ̃ tɛ̃, Yinni Gusunɔ u koo Tiri ye mɔru seesi u de bwese dabinu nu ye wɔri nu tɛria nge mɛ daara ra nim yibu. 4Kpa nu yen gbãranu kɔsuku ka yen tabu durɔbun kuku yenu. Nu koo ye kpuro kɛrawa mam mam kpa Tiri ye, ya n sãa nge kpee saara. 5Ya koo kowa nge tem bureru te ta wãa nim wɔ̃ku sɔɔ mi surɔkɔba ba ra ben yãakoronu kewe. Yinni Gusunɔwa u yeni gerua. Bwese tukunu nu koo na nu wuu ge wɔri. 6Kpa nu be ba wãa gen turuku go go. Saa ye sɔɔ, ba koo gia ma wiya u sãa Yinni Gusunɔ. 7Wee ye Yinni Gusunɔ u maa gerua. U nɛɛ, u koo de Babilonin sina boko wi u sinambu kpuro dam kere u na saa sɔ̃ɔ yɛ̃san nɔm geu gian di u Tiri ye wɔri. U koo na ka dumi ka tabu kɛkɛ be dumi gawe ka sere maasɔbu ka tabu kowo dabi dabinu. 8U koo Tirin baru kpaanu kpuro kpeerasia. Tabu kowobu ba koo kuku yenu gbe kpa bu tabu sĩa kpĩ ba n tɛrɛnu nɛni bu ka tii ganɛ. 9Ba koo Tiri yen gbãranu kɔsuku bu suriri ka ben tabu yãnu. 10Kpa ben dumi dabi dabi ten tua yu ye wukiri kpa yen gani yi n diirimɔ maasɔbun wɔkinun sɔ̃ ka tabu kɛkɛ ben wɔkinun sɔ̃. Domi ba koo Tiri ye wɔriwa nge wuu ge ba kamia kɔ. 11Ba koo ka dumi swɛɛ kpuro swĩiwa kpa ba n tɔmbu goomɔ ka takobi kpa bu yen bũu sãa yenun gbereba suriri bèn sɔ̃ ya woo kanamɔ. 12Ba koo yen dukia ka yen kia ni ya dɔramɔ gurawa nge ye ba tabu diima kpa bu yen gbãranu ka yen dii geenu kɔsuku bu suriri kpa bu yen kpenu ka yen dãa ka yen kɛ̃ki gura bu sure nim wɔ̃ku sɔɔ. 13U koo de ben womusu su nɔru ko. Ba ǹ maa mɔrɔkunun swĩi nɔɔmɔ mi. 14U koo de yu kowa nge kpee saara yèn wɔllɔ surɔkɔba ba ko n da ben yãakoronu kewe. Ba ǹ yen bansu seeyamɔ. Wi, Yinni Gusunɔwa u yeni gerua. 15Wee ye Yinni Gusunɔ u gerumɔ Tiri yen sɔ̃. U nɛɛ, be ba wãa n toma nim wɔ̃kun goorɔ, bà n nua Tiri ya bansu kua ma ba be ba mɛɛra wan weeweenu nɔɔmɔ, ba koo diiri. 16Wee tem mɛn kparo be ba wãa nim wɔ̃kun bera gia kpuro ba koo se ben sina kitanun di bu ben yabe bakanu ka ben yabe ni ba sɔma doke potiri ba n wurure ba n sɔ̃ temɔ. Saa kpuro sɔɔ, ba ko n bɛrum soorewa kpa ba n nuki sankire Tirin sɔ̃. 17Ba ko n gɔɔ wuri mɔ̀ Tirin sɔ̃ ba n mɔ̀, wee ya kam kua ye, ye ya raa yĩsiru yara mi. Ye, yèn tɔmbu ba raa dabiru bo nim wɔ̃kun bera mi gia. Beya ba raa maa dam bo, ma be ba ka bu sikerenɛ ba bu nasie. 18Wee be ba wãa tem burenɔ ba diirimɔ Tiri yen kam kobun sɔ̃. Be ba toma ba ka wãa nim wɔ̃kun goorɔ ba nande yen kpeerun sɔ̃. 19Wee ye Yinni Gusunɔ u maa gerua. U nɛɛ, u koo de Tiri yu ko bansu kpa goo u kun maa wãa mi. Sanam mɛya u koo de nim wɔ̃kun nim mu ye wukiri kpa ye kpuro yu num ya n wãa gɔribun wãa yerɔ mi yeruku tɔmba kpĩ. 20U koo de yu da sere tem sɔɔwɔ mi yeruku tɔmba wãa kpa ya n kɔ̃ɔre mi. U koo de ya n wãa mi ka gɔribu. Goo kun maa sinamɔ ye sɔɔ. Ya ǹ maa ayeru wasi wasobun suunu sɔɔ. 21Tɔmba koo nanda ye ya koo ye deeman sɔ̃. Ya ǹ ko ya n maa sãa gãanu. Domi ba koo ye kɔsukuwa mam mam kpa bu ye kasu bu bia. Yinni Gusunɔwa u yeni gerua.

will be added

X\