Esekiɛli 2

1U nɛɛ, tɔnun bii, a seewo a yɔ̃ra, kpa n nun gari sɔ̃. 2Sanam mɛ u ka nùn gari yi mɔ̀, yera Yinni Gusunɔn Hunde u nùn yɔɔwa ma u nùn yɔ̃rasia. Ma u yɛ̃ro swaa daki wi u ka nùn gari mɔ̀ mi. 3U nɛɛ, tɔnun bii, na nun gɔriɔ Isireliban mi, be ba man seesimɔ. Wee be, ka ben baababa ba man tora sere ka gisɔ. 4Tɔn be, ba swaa tau, ba maa gɔ̃ru bɔɔbu. Ben miya na nun gɔriɔ kpa a bu sɔ̃ a nɛɛ, amɛniwa nɛ, Yinni Gusunɔ na gerua. 5Na nɛɛ, wee ba sãa mɛm nɔɔ sariba. Ba nun swaa daki? Ba ǹ nun swaa daki? Ka mɛ, ba koo gia ma Gusunɔn sɔmɔ u wãa ben suunu sɔɔ. 6Wunɛ Esekiɛli, a ku bu nasia, a ku maa ben garin bɛrum ko, baa mɛ n ko n sãare a wãa sãki ka niin suunu sɔɔ. Domi ba sãawa mɛm nɔɔ sariba. 7Ba nun swaa daki? Ba ǹ nun swaa daki? A gesi bu sɔ̃ɔwɔ ye na gerua, baa mɛ ba sãa mɛm nɔɔ sariba. 8Adama wunɛ, tɔnun bii, a nɔɔwɔ ye kon nun sɔ̃. A ku ko mɛm nɔɔ sari nge bwese te. A wunɛn nɔɔ wukio kpa a tem ye kon nun wɛ̃. 9Saa yera Esekiɛli u nɔmu gagu wa ga dɛmiɛ win mi gia, ga tireru nɛni te ba kurua. 10Nɔmu ge, ga tire te kusia win wuswaaɔ. Ba tu yoruawa bera yiru kpuro. Gari yi yi yorua tire te sɔɔ, yiya weeweenu ka wuri ka nuku sankiranun gari.

will be added

X\