Ɛsitɛɛ 7

1Yera sina boko ka Hamani ba Ɛsitɛɛn tɔ̃ɔ baka dim mɛ da nɔn yiruse. 2Ye ba dim kpa ba tam nɔrumɔ, yera sina boko u maa Ɛsitɛɛ bikia u nɛɛ, mba a kĩ a man kana. Na sɔɔru sãa n ka nun kpuro kua ye a kĩ. Kon mam nun nɛn tem bɔnu wɛ̃. 3Ma Ɛsitɛɛ u nɛɛ, yinni, à n ka man nɔnu geu mɛɛran na, ma n nun wɛ̃re, wee ye na nun kanamɔ. A ku de bu nɛ ka nɛn bweseru go. 4Domi ba sun dɔrawa bu ka sun sakiri bu kpeerasia wɔnwɔndu sariru sɔɔ. Ǹ n yorun na ba sun kpɛ̃ɛ, kon daa nɛn nɔɔ mariwa domi ta ǹ tura n ka nun baasi. 5Yera sina boko Asuresi u Ɛsitɛɛ bikia u nɛɛ, wara u nia yen bweseru kua. 6Ɛsitɛɛ u wisa u nɛɛ, bɛsɛn yibɛrɛ wi u sun nɔni sɔ̃ɔmɔ, wiya Hamani tɔn kɔ̃so wini. Yera Hamani u nanda sina boko ka Ɛsitɛɛn wuswaaɔ. 7Ma sina boko u seewa u yara ka mɔru u da win sina kpaarun yaaraɔ. Saa yera Hamani u tuba ma sina boko u sɔɔru kpawa u ka nùn go. Yera u Ɛsitɛɛ suuru kana u nùn faaba ko. 8Ma u tii yɔ̃su u wɔruma mi Ɛsitɛɛ u sɔ̃. Saa yera sina boko u wurama ma u dua mi ba tɔ̃ɔ bakaru dimɔ. Yera u Hamani bikia u nɛɛ, a kĩ a maa Ɛsitɛɛ gabawa nɛn wuswaaɔ sina kpaaru mini? U ka gari yi gere u kpe, yera win sɔm kowobu ba Hamanin wuswaa bɔkua. 9Yera sɔm kowo ben turo wi ba mɔ̀ Haabona u sina boko sɔ̃ɔwa u nɛɛ, yinni, Hamanin tii u dãru garu sɔɔru kua tè sɔɔ u koo raa Maadose sɔku u bwɛ̃ wi u nun gari dɔmɛya a ka faaba wa mi. Dãa te, ta gire mi, win dirun wuswaaɔ. Ten gunum mu sãawa gɔm soonu weeraakuru. Yera sina boko u wooda wɛ̃ u nɛɛ, bu Hamani sɔkuo bu bwɛ̃ dãa te sɔɔ. 10Ma ba Hamani sua ba ka da ba bwɛ̃ dãa ten wɔllɔ, te u raa sɔɔru kua Maadosen sɔ̃. Saa yera sina bokon mɔru ya sure.

will be added

X\