Sɔ̃ɔsiru 34

1Yeniban biru, Mɔwisi u seewa u da Mɔabun guunu gia. Ma u yɔɔwa guu te ba mɔ̀ Nɛboɔ sere Pisigan wii kpiirɔ Yerikon deedeeru. Ma Yinni Gusunɔ u nùn tem mɛ kpuro sɔ̃ɔsi saa Galadin di sere n ka da Danuɔ, 2ka Nɛfitalin tem ka Efaraimugim ka Manasegim saa Yudan tem di n ka da nim wɔ̃kuɔ ge ga wãa sɔ̃ɔ duu yeru gia, 3ka sɔ̃ɔ yɛ̃san nɔm dwaru gia Nɛgɛbuɔ ka Yuudɛnin bera gia ka wɔwaɔ ye ya wãa Yeriko ye ba maa mɔ̀ Kpakpa bɛ̃ɛn wuun bera gia n ka girari Soariɔ. 4Ma Yinni Gusunɔ u nùn sɔ̃ɔwa u nɛɛ, tem mɛ na Aburahamu ka Isaki ka Yakɔbu nɔɔ mwɛɛru kua mɛya mi, mɛya na maa dera a wa mi. Tɛ̃, kon mu ben bibun bweseru wɛ̃. Adama wunɛ, na ǹ derimɔ a taara mi. 5Yeniban biru, Mɔwisi Yinni Gusunɔn sɔm kowo u kpuna u gu Mɔabun tem mi nge mɛ wi, Yinni Gusunɔ u gerua. 6Ma Yinni Gusunɔ u nùn sikua Mɔabun wɔwa mi, Bɛti Peorin deedeeru. Adama sere ka gisɔ goo kun win sikiru waare. 7Sanam mɛ Mɔwisi u gu, u mɔwa wɔ̃ɔ wunaa teeru. Adama win dam tie. Mɛya win nɔni kun maa dam dwiiye. 8Ma Isireliba kpuro ba win gɔɔ wooru sina sɔ̃ɔ tɛna ba wuri mɔ̀, Mɔabun wɔwa mi. 9Mɔwisi u Yosue, Nunin bii nɔma sɔndi u ka ko win kɔsire. Yosue wi, u bwisi yiba. Ma Isireliba ba nùn mɛm nɔɔwa ba Gusunɔn wooda ye u Mɔwisi wɛ̃ swĩi dee dee. 10Isireliba sɔɔ, Gusunɔn sɔmɔ goo kun maa yĩsiru yarire nge Mɔwisi. Domi Yinni Gusunɔ u ra ka nùn gari kowa nɔɔ ka nɔɔ. 11Goo sari wi ba koo ka nùn weesina win sɔm maamaakigia ye u kuan sɔ̃ sanam mɛ Yinni Gusunɔ u nùn gɔra Egibitin sunɔ ka win sina bwãabu ka win tem tɔmbu kpuron mi. 12Gusunɔn sɔmɔ goo sari wi u koo kpĩ u maamaaki ye, ka gãa nanumgii ni ko, ni Mɔwisi u kua Isireliba kpuron wuswaaɔ.

will be added

X\