Daniɛli 10

1Sirusi, Pɛɛsin sina bokon bandun wɔ̃ɔ itase sɔɔ, Yinni Gusunɔ u ka Daniɛli gari kua wi, wi ba maa mɔ̀ Bɛlitasaa. Gari yi, yi sãawa gem. Yi ka nɔni swãa bakaru yã te ta koo na. Ma gari yi, yi nùn yeeri. Saa ye sɔɔra u kãsi te tuba. 2N deema u wãa nuku sankiraru sɔɔ alusuma ita. 3Alusuma ita ye sɔɔ, u ǹ dĩa geenu ganu diire. U ǹ yaa tende. Tam kun maa win nɔɔ duure. Mɛya u ǹ maa tii gum saware. 4Wɔ̃ɔn suru gbiikoon sɔ̃ɔ yɛnda nnɛse sɔɔ, u wãa u yɔ̃ daa te ba mɔ̀ Tigirin bɔkuɔ. 5Yera u nɔni sua u durɔ goo wa u yãnu doke ni ba kua ka wɛ̃ɛ damgii ma u kpaka sɛ̃ke ye ba kua ka wura ye ya wee Ufasin di. 6Win wasi yi ballimɔ nge kpee ni nu wuru beku nɔni mɔ, ma win wuswaa ya ballimɔ nge guru maakinu. Ma win nɔni yi ballimɔ nge dɔ̃ɔ yari, ma win gãsenu ka win naasu sãa nge sii gan te ba wɔriasia. Ma win nɔɔ ga nɔɔra nge tɔn dabinun nɔɔ. 7Daniɛli turowa u kãsi te wa. Tɔn be ba ka nùn wãa mi, ba ǹ tu wa. Adama ba nanda ba duki sua bu ka kuke. 8Wi turowa u yɔ̃ra ma u kãsi te wa. Win wuswaa ya burisina. Ma win gɔma dwiiya u dam bia. 9U durɔ win nɔɔ nua ma u nanda u wiru tem girari. 10Yera nɔmu gaga nùn baba ma u diira u dũu winu ka nɔm taranu soonamɔ. 11Ma u nɛɛ, kĩnasi Daniɛli, a de gari yi, yi kon nun sɔ̃, yi nun yeeri, kpa a se a yɔ̃ra mi a wãa mi. Domi ba man gɔrimawa wunɛn mi. Ye u nùn gari yi sɔ̃ɔwa u kpa, yera Daniɛli u seewa u yɔ̃ra ma u diira. 12Durɔ wi, u gerua u nɛɛ, Daniɛli, a ku bɛrum ko. Domi saa dɔma tèn di gari yi, yi nun yeeri, ma a tii kawa Gusunɔ wunɛn Yinnin wuswaaɔ, saa dɔma ten diya Gusunɔ u wunɛn kanaru nua. Yen sɔ̃na na na. 13Pɛɛsiban sina boko u man seesi sɔ̃ɔ yɛnda tia ma na sina win bɔkuɔ. Adama wee Misɛli wɔllun tabu kowobun sunɔ turo u na u man somi. 14Tɛ̃, na nawa n ka nun tubusia ye n koo wunɛn tɔmbu deema sia. Domi sian gariya kãsi te, ta ka yã. 15Saa ye u nùn gari yi sɔ̃ɔmɔ, yera wi, Daniɛli u tuka ma u mari. 16Yera u gãanu wa nu ka tɔnu weenɛ ma nu na nu win nɔɔ baba. Ma u nɔɔ wukia u nɛɛ, nɛn Yinni, nɛn wuswaa ya burisina, na ǹ maa dam gam mɔ kãsi te na wan sɔ̃. 17Nɛ wi na sãa wunɛn sɔm kowo, amɔna kon ka kpĩ n ka nun gari ko. Domi na ǹ dam gam mɔ. 18Wi u ka tɔnu weenɛ mi, u maa nùn baba u dam kã. 19Yera u nùn sɔ̃ɔwa u nɛɛ, a ku bɛrum ko durɔ kĩnasi, alafia ya n ka nun wãa. A tii dam kɛ̃ɛyɔ. Ye u ka nùn gari mɔ̀, yera u dam wa u nɛɛ, Yinni, a de a ka man gari ko. Domi a man dam kã. 20Durɔ wi, u nùn bikia u nɛɛ, a yɛ̃ yèn sɔ̃ na na wunɛn mi? Tɛ̃, kon da n Pɛɛsiban sina boko tabu wɔri. Nà n doona, Gɛrɛkiban sina boko u koo na. 21Adama kon nun sɔ̃ ye ya yorua gem tireru sɔɔ. Goo kun man somimɔ tɔn ben sɔ̃, ma n kun mɔ Misɛli bɛɛ Isireliban kɔ̃so,

will be added

X\