Samuɛli II 9

1Sɔ̃ɔ teeru Dafidi u bikia u nɛɛ, Sɔɔlun bweseru sɔɔ, goo u ǹ maa tie, kpa n wa n yɛ̃ro durom kua Yonatam sɔ̃? 2N deema sɔm kowo goo u wãa Sɔɔlun yɛnuɔ wi ba sokumɔ Siba. Ma Dafidi u nùn sokusia. Ye u na, ma u nùn bikia u nɛɛ, wuna ba sokumɔ Siba? Ma u wura u nɛɛ, oo, nɛna mi, yinni. 3Ma Dafidi u nɛɛ, goo sari wi u sãa Sɔɔlun bweseru kpa n wa n yɛ̃ro durom kua nge mɛ na Yinni Gusunɔ nɔɔ mwɛɛru kua? Ma Siba u nùn wisa u nɛɛ, Yonatam u bii goo mɔ mi, wi u sãa yɛmɔ. 4Sina boko u bikia u nɛɛ, mana u sere wãa. Ma Siba u nɛɛ, u wãawa Makiri, Amiɛlin biin yɛnuɔ Lodebaaɔ. 5Ma Dafidi u gɔra Lodebaa mi, bu nùn kasuma. 6Yera ba ka Mɛfibosɛti, Yonatam bii, Sɔɔlun debubu ge na Dafidin mi. Ma u kpuna Dafidin wuswaaɔ u nùn bɛɛrɛ wɛ̃. Dafidi u nùn soka u nɛɛ, Mɛfibosɛti. Ma u wura u nɛɛ, nɛ wee, yinni. 7Dafidi u nùn sɔ̃ɔwa u nɛɛ, a ku nanda. Duroma kon nun kua ka gem wunɛn baaba Yonatam sɔ̃. Kon nun wunɛn debu Sɔɔlun tem kpuro wesia. Yen biru a n da ka man di saa baayere nɛn dii yerɔ. 8Ma u maa kpuna u Dafidi bɛɛrɛ wɛ̃. U nɛɛ, yinni, mba na sãa a ka nɛn laakari mɔ mɛsum, nɛ wi na sãa nge bɔ̃ɔ goru mini. 9Yera sina boko u Siba Sɔɔlun sɔm kowo soka u nùn sɔ̃ɔwa u nɛɛ, gãa ni nu raa sãa Sɔɔlu wunɛn yinniginu kpuro, ka ye ya sãa win yɛnun baayere gesi, na ye win debubu Mɛfibosɛti wɛ̃. 10Tɛ̃ wunɛ ka wunɛn bibu ka wunɛn sɔm kowobu, bɛɛ kpurowa i ko i nùn wukua, kpa u ka dĩanu wa u n dimɔ. Adama Mɛfibosɛti wi, u ko n da ka man diwa baadomma nɛn dii yerɔ. N deema Siba wi, bii tɔn durɔbu wɔkura nɔɔbuwa u mɔ. Win sɔm kowobu maa tɔnu yɛndu. 11Ma u sina boko wisa u nɛɛ, yinni, ye a man sɔ̃ɔwa kpuro, yera kon ko. Ma Mɛfibosɛti u ra n daamɔ u n dimɔ Dafidin dii yerɔ, nge win bibun turo. 12Mɛfibosɛti wi, u bii piibu gagu mɔ ge ba mɔ̀ Mika. Ma tɔn be ba wãa Siban yɛnuɔ kpuro ba kua Mɛfibosɛtin sɔm kowobu. 13Mɛfibosɛti, yɛmɔ wi, u da u wãa Yerusalɛmuɔ kpa u wa u n da ka dim de sina bokon dii yerɔ baadomma.

will be added

X\