Samuɛli I 3

1Samuɛli, bii aluwaasi wi, u wãa u Yinni Gusunɔn sɔmburu mɔ̀ Elin wuswaaɔ. Saa ye sɔɔ, daa daakawa Yinni Gusunɔ u ra ka tɔnu gari ko, kpa u bu kure kãsiru sɔɔ gasɔ ka gasɔ tɔna. 2N deema saa ye sɔɔ, Elin nɔni dam dwiiyama. U ku ra maa yam wa sãa sãa. Sɔ̃ɔ teeru, u kpĩ win kpin yerɔ sãa yerɔ, 3Samuɛli u maa kpĩ Gusunɔn woodan kpakororun bɔkuɔ. Saa ye, fitila ga gina sɔ̃re. 4Yera Yinni Gusunɔ u Samuɛli soka ma u wura. 5Ma u duka da Elin mi, u nɛɛ, nɛ wee. Eli u nɛɛ, amɔna. U nɛɛ, na nua a man sokawa. Ma Eli u nɛɛ, na ǹ nun soka, a wuro wunɛn kpin yerɔ. Ma u wura u kpuna. 6Yinni Gusunɔ u maa nùn soka u nɛɛ, Samuɛli, Samuɛli. Ma u seewa u da Elin mi, u nɛɛ, nɛ wee. Na nua a man sokuwa. Eli u nɛɛ, na ǹ nun soka, nɛn bii. A doo a kpuna. 7N deema Samuɛli u ǹ Yinni Gusunɔn nɔɔ tuba domi u ǹ gu nɔɔre. 8Yinni Gusunɔ u maa nùn soka nɔn itase. Ma u seewa u da Elin mi, u nɛɛ, nɛ wee, domi na nua a man soka. Ma Eli u tuba ma Yinni Gusunɔwa u bii wi soku. 9Yen sɔ̃na u nùn sɔ̃ɔwa u nɛɛ, a doo a kpuna. Bà n kpam nun soka a geruo a nɛɛ, wunɛ win sɔm kowo a nɔɔmɔ, u geruo. Ma Samuɛli u da u kpuna win kpin yerɔ. 10Yinni Gusunɔ u nùn susi ma u nùn soka nge mɛ u raa kua. U nɛɛ, Samuɛli, Samuɛli. Saa yera Samuɛli u wura u nɛɛ, nɛ wunɛn sɔm kowo, na nɔɔmɔ, a geruo. 11Ma Yinni Gusunɔ u nùn sɔ̃ɔwa u nɛɛ, wee, kon gãa kɔ̃sunu ko Isireliban suunu sɔɔ. Tɔn be ba ye nua kpuro ba koo gɔma dwiiya. 12Tɔ̃ɔ te sɔɔra kon de ye kpuro yu koora mam mam ye na gerua Elin yɛnun sɔ̃. 13Domi Eli u yɛ̃ ma win biba bɔ̃rin kookoosu mɔ̀, u ǹ maa bu gerusi. Yen sɔ̃na na bɔ̃rua na nɛɛ, kon win yɛnugibu sɛɛyasia sere ka baadommaɔ ben daa kɔ̃san sɔ̃. 14Yãkuru garu sari te ba koo maa ko n ka bu suuru kua. 15Samuɛli u kpuna sere n ka kua sisiru. Ma u sãa yerun gamboba kɛnia. Adama u ǹ kãka u Eli kãsi ten gari yi sɔ̃. 16Saa ye sɔɔra Eli u nùn soka u nɛɛ, Samuɛli, nɛn bii. Ma Samuɛli u wura u nɛɛ, nɛ wee. 17Eli u gerua u nɛɛ, mba Yinni Gusunɔ u nun sɔ̃ɔwa. A suuru koowo, a ku man yi berua. Gusunɔwa u koo nun sɛɛyasia à kun man ye kpuro sɔ̃ɔwa. 18Ma Samuɛli u nùn gari yi kpuro saaria. U ǹ nùn yin gɛɛ berue. Ma Eli u nɛɛ, Gusunɔ wiya Yinni. U koowo nge mɛ n weenɛ win nɔni sɔɔ. 19Ma Samuɛli u kpɛ̃amɔ. Yinni Gusunɔ u wãa ka wi. U ǹ maa dere Samuɛlin gari yi kam wɔri, baa yin tia. 20Isireliba kpuro saa Danun di sɔ̃ɔ yɛ̃san nɔm geu gia sere n ka da Beri Sebaɔ sɔ̃ɔ yɛ̃san nɔm dwaru gia ba gia ma Gusunɔwa u Samuɛli kua win sɔmɔ ka gem. 21Yinni Gusunɔ u ra n tii sɔ̃ɔsimɔ Siloɔ mi u Samuɛli kure u ka nùn gari kua.

will be added

X\