Sinambu I 4

1Salomɔɔ u kua Isireliba kpuron sina boko. 2Win sina asakpɔbun yĩsa wee, Asaria Sadɔkun bii, u sãawa yãku kowo. 3Elihorɛfu ka Akiya, Sisan bibu ba sãawa tire yorobu. Yosafati Ahiludun bii, wiya u ra maa tirenu bere. 4Bɛnaya, Yehoyadan bii, wiya u sãa tabu sunɔ. Sadɔku ka Abiataawa ba maa sãa yãku kowobu. 5Asaria Natanin bii, wiya u maa sãa bera ka beran wirugibun guro guro. Sabudu, Natanin bii, wiya u sãa win sina asakpɔ wi u ra nùn bwisi kɛ̃. 6Ma Akisaa u sãa sina kpaarun sɔm kowobun wirugii. Adoniramu Abidan bii u sãawa be ba yoo sɔma mɔ̀n wirugii. 7Salomɔɔ u tem mɛ bɔnu kuawa bera wɔkura yiru. Ma u yen baayeren wirugii swĩi. Bera, ba ra wi sina boko ka win yɛnugibu nɔɔri. Ben baawure u ra bu kowa suru tia wɔ̃ɔ tia sɔɔ. 8Wirugii ben yĩsa wee. Hurin biiwa u Efaraimun guunun bera gia mɔ. 9Dekerin biiwa u maa Makasi mɔ ka Saabimu, ka Bɛti Semɛsi ka Eloni ka Bɛti Hanani. 10Hesɛdin biiwa u maa Aruboti mɔ ka Soko ka sere maa Hefɛɛn tem kpuro. 11Abinadabun biiwa u Dorin tem mɔ. Wiya u Salomɔɔn bii Tafati sue kurɔ. 12Baana, Ahiludun bii, wiya u Tanaki, ka Mɛgido mɔ ka Bɛti Seani ye ya wãa Saatanin bɔkuɔ Yisirɛɛlin wɔwaɔ. Bera ye, ya toruawa saa Bɛti Seanin di n ka da Abɛli Mɛholaɔ sere ka Yokumɛamun bera gia. 13Gebɛɛn biiwa u maa Ramɔti mɔ ye ya wãa Galadin temɔ ka sere maa Yairi, Manasen biin baru kpaanu, Galadiɔ. Gebɛɛn bii wiya u maa Aagɔbu mɔ Basanin temɔ. Wusu watawa u mɔ si ba gbãranu toosi ba nin kɛnutinun sɛ̃retinu kua ka sii gandu. 14Akinadabu Idon bii, wiya u maa Mahanaimu gia mɔ. 15Akimasi wi, u Salomɔɔn bii Basimati sue kurɔ, wiya u Nɛfitalin bera gia mɔ. 16Baana Usain bii, wiya u maa Asɛɛn tem ka Bealɔtun tem mɔ. 17Yosafati, Paruakin bii, wiya u maa Isakarin tem mɔ. 18Simɛi, Elan bii, wiya u maa Bɛnyamɛɛn tem gia mɔ. 19Geberi Hurin bii, wiya u maa Galadin tem gia mɔ, mi Sihoni Amɔreban sina boko ka Ogu Basanin sina boko ba raa bandu dii. Tɔmbu wɔkura yiru ye baasi, Salomɔɔ u maa tɔn turo gɔsa u n ka sãa be kpuron guro guro. 20Saa ye sɔɔ, Yudaba ka Isireliba ba dabi nge nim wɔ̃kun yani sɛɛri. Ba dimɔ, ba nɔrumɔ, ba nuku dobu mɔ̀.


Copyright
Learn More

will be added

X\