Bandun Gari I 5

1Rubɛni u sãawa Isirelin bii gbiikoo. N deema Rubɛni wi, u ka win tundon kurɔ kpuna. Ma ba win yerumaru mwa ba win wɔnɔ Yosɛfun bibu wɛ̃. Yen sɔ̃na ba ǹ win bwese kɛran tɔmbun yĩsa tireru doke yerumarun swaa sɔɔ. 2Isirelin bii be sɔɔ, Yudawa u dam bo. Win bwese kɛran diya kparo u yara. Adama Yosɛfun biba ba yerumaru wɛ̃. 3Be ba sãa Rubɛni, Isirelin bii gbiikoon bibu, bera Enɔku, ka Paalu, ka Hɛsironi, ka Kaami. 4Yoɛliwa u Semaya mara. Ma Semaya u seewa u Gɔgu mara. Ma Gɔgu u maa seewa u Simɛi mara. 5Ye Simɛi u seewa, ma u Misee mara, ma Misee u seewa u Reaya mara. 6Ma Reaya u seewa u Baali mara. Ma Baali u seewa u Beera mara. Wiya u sãa Rubɛniban wirugii. Wiya Tigilati Pilesɛɛ, Asirin sina boko u yoru mwa. 7Beeran tɔmbun yĩsa wee nge mɛ ba ka bu tireru doke yɛnu ka yɛnu, bwese kɛra ka bwese kɛra, ka nge mɛ ba ka keranɛ. Yeyɛliwa u sãa ben gbiikoo. Ma Sakari u swĩi, 8ka Bela, Asasin bii, Seman debubu, Yoɛlin sikadobu. Belan tema Aroɛɛn di, n ka da guu te ba mɔ̀ Nɛboɔ, sere ka Baali Mɛɔniɔ. 9Sɔ̃ɔ yari yeru gia, win tem mu wãawa saa Efaratin daarun di sere n ka da gbaburun duu yerɔ. Domi ben yaa sabenu nu dabia Galadin tem mɛ sɔɔ. 10Sɔɔlu, sina bokon waati sɔɔ, ba ka Hagareniba tabu kua ba kamia. Ma ba sina ben wãa yenɔ Galadin sɔ̃ɔ yari yerun bera gia kpuro. 11Gadin bwese kɛran tɔmbu ba sina Rubɛniban deedeeru sɔ̃ɔ yɛ̃san nɔm geu gia, Basanin temɔ sere n ka girari Salikaɔ sɔɔ yari yeru gia. 12Yoɛlin bwese kɛra ya kpãaru bo. Ma Safamugia ya sãa yiruse. Ma Yanaigia ka Safatigia ya wãa Basaniɔ. 13Bwese kɛri nɔɔba yiru gɛɛ maa wãa. Yiya Mikaɛlin bwese kɛra, ka Mɛsulamugia, ka Sebagia, ka Yoraigia, ka Yakanigia, ka Siagia, ka sere Ebɛɛgia. 14Be ba sãa Abihailin bibun bweseru, bera Huri, ka Yaroasi, ka Galadi, ka Mikaɛli, ka Yɛsisai, ka Yado, ka sere Busi. 15Aki, Abudiɛlin bii, Gunin debubuwa u sãa ben wirugii. 16Gadin bwese kɛrin tɔn be, ba wãawa Galadiɔ ka Basaniɔ ka yen baru kpaanɔ ka yen kpara yenɔ saa Saronin di n ka da yen nɔɔ bura yenɔ. 17Ba ben bwese kɛri yi kpuro tireru dokewa nge mɛ yi ka swĩinɛ, Yotamu Yudaban sina boko ka Yeroboamu Isireliban sina bokon waati sɔɔ. 18Rubɛnin bwese kɛra ka Gadigia ka sere Manasen bwese kɛran bɔnu ba tabu durɔ damgibu mɔ be ba koo kpĩ bu tɛrɛru ka takobi nɛnɛ kpa bu tɛndu to. Ba maa tabu tobu yɛ̃ gem gem. Ben geera sãawa tɔmbu nɔrɔbun suba weeru ka nnɛ ka tɔmbu nata ka wunɔbu ka wata (44.760). Ba maa sɔɔru sãa bu ka tabu to. 19Ma ba Hagareniba ka Yeturigibu, ka Nafisigibu, ka Nɔdabugibu tabu wɔri. 20Sanam mɛ ba taa bi mɔ̀, ba Yinni Gusunɔ somiru kana domi ba ben naanɛ doke wi sɔɔ. Ma ba Hagarenigii be, ka be ba bu somiru na kamia. 21Ma ba ben yaa sabenu mwɛɛra. Niya yooyoosu nɔrɔbun suba weeraakuru (50.000) ka yãa ninu nɔrɔbun suba goobu ka weeraakuru (250.000) ka kɛtɛkunu nɔrɔbun suba yiru (2.000) ka sere tɔmbu nɔrɔbun suba wunɔbu (100.000). 22Tɔn be ba go taa bi sɔɔ, ba dabi. Domi Yinni Gusunɔwa u dera n koora mɛ. Ma ba sina tem mi sere n ka tura saa ye ba bu yoru mwa ba ka doona. 23Manasen bwese kɛran sukum mu na mu sinawa tem mɛ mu wãa Basaniɔ, n ka da Baali Hɛɛmɔɔwɔ ka Seniriɔ, sere ka guu te ba mɔ̀ Hɛɛmɔɔ. Tɔn be, ba dabi. 24Ben wirugibun yĩsa wee. Efɛɛ, ka Yisei, ka Eliɛli, ka Asiriɛli, ka Yeremi, ka Hodafia, ka Yadiɛli. Ba sãawa tɔn durɔ wɔrugɔba, ma ba yĩsiru yara. 25Adama ba Gusunɔ ben baababan Yinni torari. Ba bwese tukunun bũnu sãwa ni u raa kam koosia. 26Yen sɔ̃na wi, Gusunɔ Isireliban Yinni u dera Asirin sinam beni, Pulu ka Tigilati Pilesɛɛ ba Rubɛniba, ka Gadiba, ka Manasen bwese kɛran sukum yoru mwɛɛra ba ka da Salasiɔ, ka Saboriɔ, ka Haraɔ, ka sere Gosanin daarun bɔkuɔ. Miya ba wãa sere ka gisɔ. 27Be ba sãa Lefin bibu, bera Gɛɛsɔni, ka Kehati, ka Mɛrari. 28Ye Kehati u seewa, ma u Amuramu ka Yisehari ka Heboroni ka Usiɛli mara. 29Ye Amuramu u seewa, ma u Aroni ka Mɔwisi ka Mariamu mara. Ma Aroni u maa seewa u Nadabu ka Abihu ka Eleasaa ka Itamaa mara. 30Ye Eleasaa u seewa, ma u Finɛɛsi mara. Ma Finɛɛsi u seewa u Abisua mara. 31Ye Abisua u seewa ma u Buki mara. Ma Buki u seewa u Usi mara. 32Ye Usi u seewa, ma u Seraya mara. Ma Seraya u seewa u Mɛrayɔtu mara. 33Ye Mɛrayɔtu u seewa, ma u Amaria mara. Ma Amaria u seewa u Akitubu mara. 34Ye Akitubu u seewa, ma u Sadɔku mara. Ma Sadɔku u seewa u Akimasi mara. 35Ye Akimasi u seewa, ma u Asaria mara. Ma Asaria u seewa u Yokanani mara. 36Ye Yokanani u seewa, ma u Asaria mara. Asaria wiya u ra yãkunu ko Yinni Gusunɔn sãa yerɔ te Salomɔɔ u bana Yerusalɛmuɔ. 37Ye Asaria wi, u seewa, ma u Amaria mara. Ma Amaria u seewa u Akitubu mara. 38Ye Akitubu u seewa ma u Sadɔku mara. Ma Sadɔku u seewa u Salumu mara. 39Ye Salumu u seewa, ma u Hilikiya mara. Ma Hilikiya u seewa u Asaria mara. 40Ye Asaria u seewa ma u Seraya mara. Ma Seraya u seewa u Yosadaki mara. 41Sanam mɛ Yinni Gusunɔ u dera Nɛbukanɛsaa u Yudaba ka Yerusalɛmugibu yoru mwɛɛra u ka doona, ka Yosadaki wi sanna mi.

will be added

X\