متّى 1

1كتاِبْ ميلادْ يَسوُع المَسيحْ ابنْ داهودْ ابن ابْراهيمْ: 2ابْراهيمْ خَلَّف اسْحَقْ، واسْحَقْ خَلَّفْ يَعْقوب، وْيَعْقوبْ خَلَّفْ ياهوذا واخوتو. 3وْياهوذا خَلَّفْ فارِص وْزارَحْ منْ ثامار، وْفارِصْ خَلَّفْ حَصْرون، وْحَصْرونْ خَلَّفْ آرامْ، 4وآرامْ خَلَّفْ عَمّيناداب، وْعَمّينادابْ خَلَّفْ نَحْشون، وْنَحشون خَلَّفْ سَلْمونْ، 5سَلْمونْ خَلَّفْ بوعَز منْ راحابْ، بوعَزْ خَلَّفْ عوبيدْ منْ راعوثْ، عوبيدْ خَلَّفْ يَسّى، 6يَسّى خَلَّفْ داهود المَلكْ، داهود المَلكْ جاب سْليِمانْ منْ مَرْة اوريّا. 7سْليِمان خَلَّفْ رَحَبْعامْ، رَحَبْعامْ خَلَّفْ آبيّا، آبيّا خَلَّفْ آسا. 8آسا خَلَّفْ يَهوشافاطْ، يَهوشافاطْ خَلَّفْ يورامْ، يورامْ خَلَّفْ عُزّيّا. 9عُزّيّا خَلَّفْ يوثامْ، يوثامْ خَلَّفْ آحازْ، آحازْ خَلَّف حِزَقيّا، 10حَزْقِيّا خَلَّفْ مَنَسّى، مَنَسّى خَلَّفْ آمونْ، آمونْ خَلَّفْ يوشيّا، 11يوشيّا خَلَّفْ يَكُنْيا واخوتو فَ زَمان السَّوقيّاتْ لَبابلْ، 12وْبَعْد السَّوقيّاتْ لَبابلْ يَكُنْيا خَلَّفْ شَأَلتِئيلْ، شَأَلتِئيلْ خَلَّفْ زَرُبّابلْ، 13وزَرُبّابلْ خَلَّفْ أَبيهودْ، أَبيهودْ خَلَّفْ إلِياقيمْ، إلِياقيمْ خَلَّفْ عازورْ، 14عازورْ خَلَّفْ صادوقْ، صادوقْ خَلَّفْ أَخيمْ، أَخيمْ خَلَّفْ إلِيودْ، 15إلِيودْ خَلَّفْ إليعازَرْ، إليعازَرْ خَلَّفْ مَتّان، وْمَتّانْ خَلَّفْ يَعْقوبْ، 16يَعْقوبْ خَلَّفْ يوسفْ رجّالْ مَرْيَمْ لَ منّا ولدْ يَسوُعْ لَ يتْسَمّى المَسيحْ. 17بَقى كلّ الاجْيالْ من ابْراهيمْ لَ داهودْ أَرْبَطَعْشْ جيل، وْمنْ داهودْ للسَّوقيّاتْ لَبابلْ أَرْبَطَعْشْ جيل، وْم السَّوقيّاتْ لَبابلْ دي لَمَنْ جا المَسيحْ أَرْبَطَعْشْ جيلْ. 18ولادةْ يَسوُع المَسيحْ كذاِ صارتْ: لَمَنْ أمّو مَرْيَمْ كانتْ مَخطوُبِة لَيوسفْ، قَبلْ لَ يجْتمْعون، انْوَجَدتْ حبْلىِ منْ روُح القدسْ. 19ويوسفْ رجّالا كانْ بار، وْما رادْ يطْلَعْلا صيتْ، وافْتَكَر يفكّا بالخفْيِة. 20وَقْتْ لَ افْتَكَرْ هَالافْكارْ، ظَهَرْلو مَلاك الرَّبْ ف المَنام وْقالْلو: ”يوسف ابنْ داهودْ، لا تْخافْ تاخذْ مَرْيَمْ مَرَتكْ، منْ لَ هاذْ لَ كلْحبْلتْ فِيو منْ روُح القدسْ واِ. 21وْتَ تولَدْ وَلَدْ، وتْسَمِّيو يَسوُعْ، منْ لَ هوّاِ تَ يخَلّصْ شَعْبو منْ خَطِيّاتنْ.“ 22وْهاي كلّا صارتْ تَ يتمْ شي لَ انْقالْ م الرَّبْ عَلى لْساِن النَّبي لَ قالْ: 23”هاي العَذْرا تحْبَل وْتولَدْ وَلَدْ، ويسَمَّوهُ عَمَنويِيلْ“ يعْنيِ: اَلله مَعْنا. 24وْلَمَنْ قامْ يوسفْ منْ نَومو، سَوى كَما لَ أَمَرو مَلاك الرَّبْ، وَاخَذْ مَرَتو. 25وْما عَرَفا دي لَمَنْ وَلَدت ابْنا البكر، وْسَمَّتو يَسوُعْ.


Copyright
Learn More

will be added

X\