Titus 3

1Poigi ya gibed wor ni jubim, ku weg ng’ol, ya giworgi, man gibed ayika ni tic ceke ma ber kubang’e kubang’e, 2nia ku giyer lembacidi kum ng’atu moko, ku gibed ku piem, gibed yo, ma ginyuth ko molcwiny ceke ni dhanu ceke. 3Kum wan bende naka wa jukusegu, wa juco, juwondowa de, ma watimo ni awanya ma rac ku mutoro ma kwonde tung’ tung’, wabedo de kud akece ku kumira, wabedo kud adegi, man wadagra. 4Ento ka bedober pa Mungu Jalar mwa, man mer pare m’emaru ko dhanu, uwoki, 5ku tic ma i bedopwe ngo, ma watimo wan, ento calku kisa pare ebodhowa, ni kum lwok mi nyol ma nyen man mi dwokonyen mi Tipo Maleng’, 6m’ekonjo i wiwa k’abamba, ni kum Yesu Kristu Jalar mwa; 7kara, wan ma lembe m’i wiwa gonjre ku berone, wabed jucampacu calku genogen mi kwo ma rondo ku rondo. 8Maeni lembe mandha, e ayenyo iyer pi gin maeni ku tegocwinyi, kara ju m’uyio Mungu gipoi ya gibed ku tic ma ber. Gin maeni gi ber kulokane de nuti ni dhanu: 9ento koc kum penji ma kite mbe, ku yenyo kathekdhanu, man piem, ku kwa kwa ma kum cik; kum kulokane mbe man en e mananu. 10Ng’atu m’ujio piem ku yo ng’ei juk ma kwong’a ku mir arionde e dong’ wukwere; 11m’ing’eyo ko nia wagi ng’atu ma kumeno daru lokre, edubo de, m’epoko ko lembe rac i wie gire. 12Kan abioro Artema i beng’i, kadi Tukiko, ibin kud amora i bang’a Nikopoli: kum akeco ya abed kuca i nindo mi koyo. 13Yik woth pa Zena ma jaeuthecik gikud Apolo de mor mor, kara gin moko kud urem igi. 14Man wek dhanu mwa bende gimak ng’eyo timo tic ma ber kara can gin moko kud uneggi, kara nying’gi ma gicego kud ubed umbe. 15Ju ma gini i bang’a ceke gimothi. Moth ju m’umaruwa i yioyic ceke. Dong’ bero bed kudu ceke.

will be added

X\