Titus 2

1Ento dong’ iyer lembe m’umaku ponji m’ulil: 2ya co m’uti gidhir wi ava gin ceke, gibed unibe lele, gibed ku pidoic ma nger, ku yioyic m’ulil, ku mari, ku twiocwiny: 3ya mon m’uti bende kumeno bedo migi bed m’umaku piny, ku gigob agobe, ku gibed andrej pigulok, gibed juponji mi gin ma ber; 4kara giponj mon ma thindho ku maru coggi, ku nyithindhgi bende, 5ya gibed ku pidoigi ma nger, gibed leng’, gibed jutic i udigi, gibed ber ku dhanu, ma gibed ko wor ni coggi ma dhe, kara lembe pa Mungu kud ucidre; 6awobi bende kumeno jukgi ya gibed ku pidoigi ma nger; 7nyuthri giri i gin ceke ni japor mi tic ma ber, i ponji peri nyuth ma nyothre ngo, ma lele mbe i ie, 8ma wecne de lil, ma jucopo poko lembe ma rac i wie ngo; kara lewic umak ng’atu ma lem pare tung’, kum lembe moko ma rac m’eyer piwa mbe kude. 9Ponj jumiru ya gibed wor ni judongo m’i wigi ma dhe, ya ginyai mutoro i igi i gin ceke; ku gidwok lembe; 10ku gibed ma cing’gi boco, ento ginyuth mandha ma ber ceke; kara giruk lemponji pa Mungu ma Jalar mwa i gin ceke. 11Kum bero pa Mungu wok, m’ukelo both ni dhanu ceke, 12m’ubeponjowa, kara wakwer gin ma ayi Mungu mbe i kume kud awanya ma rac m’i ng’om, wabed nger man pwe man kud ayi Mungu i kumwa i ng’om ma kawono; 13ma wabekio ko genogen mi mugisa man nyuth mi dwong’ pa Mungu ma dit ma Jalar mwa Yesu Kristu; 14m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber. 15Yer lembe maeni, thok thok de, man juk juk ku ng’ol ceke. Ng’atu moko kud uvoni.

will be added

X\