Romans 3

1Jayahudi lund ubedo ku girasaga manedi? kadi yaa de kulokane ang’o? 2E dit i yo ceke: ma kwong’ane, kum juketho wec pa Mungu i korgi. 3Kum en e ang’o tek jumoko yioyic umbe kugi? yioyic migi m’umbe bithiro bedomandha pa Mungu? 4Awene: eyo, dong’ junwang’ ya Mungu en e mandha, endre dhanu kubang’gi kubang’gi gi jundra; calu egore kumae, Kara lembe m’i wii gonjre ku lembe peri, Kara isag de kan imondo i pokolembe. 5Ento tek gondri mwa dwoko bedopwe pa Mungu tek, wabiyero ang’o? Mungu en e won gondri m’eliewo jo ku kwinyo? (Ayero calu ma dhanu yero.) 6Awene: tek ebedo kumeni Mungu bipoko lembe mi ng’om nenedi? 7Ento tek lemandha pa Mungu sagre ni dwong’ pare ni kum ndra para, nedi jupoko lembe i wia bende kawono calu a jadubo? 8nedi wayero ngo (calu jubeyero nyingwa, man calu jumoko giyero ya wawacu kumae), Dong’ watimu rac, kara lembe ma ber uwoki? ma pokolembe ma rac migi bedo pwe. 9Ka ke ang’o? ber mwa sagu ber migi? Ungo, ki ngo: kum walar waporo nia Juyahudi giku Juyunani de, gin ceke gini the dubo: 10calu egore kumae, Moko mbe ma won bedopwe, umbe, acel de mbe; 11Moko mbe m’ung’eyo ng’ec, Moko mbe de m’uyenyo Mungu; 12Kagi ceke gikier, gin karacelo gidoko ma kulokagi mbe; Moko mbe m’utimo ber, umbe, kadok acel de mbe: 13Dwandgi en e odliel m’ubedo thwolo; Gibombo abombi ku lebgi: Kwir mi pino ni i the dendhoggi: 14Dhoggi pong’ ku lam ma julamu ko jo kud akece: 15Tiendgi yot kum thwogo rimo; 16Nyothonyoth ku can ni i yo migi; 17Man yo mi kwiocwiny fodi gikung’eyo ngo: 18Lworo ma julworo ko Mungu mbe yor i wang’gi. 19Nie wang’eyo nia gin ma tek cik uyero eyero ni ju ma gini the cik; kara dhok ceke kubang’gi kubang’gi bed amia, man ng’om ceke de jukel i lembapoka pa Mungu: 20kum ni kum tic mi cik ng’atu moko mbe ma lembe m’i wie bigonjre i wang’e; kum ng’eyong’ec mi dubo wok ni kum cik. 21Ento kawono bedopwe pa Mungu nge ku cik udaru nyuthre, ma cik ku jubila de ginyutho pire; 22en e bedopwe pa Mungu ma ni kum yioyic i Yesu Kristu ni dhanu ceke ma giyio; kum tung’ tung’ umbe; 23kum kawa ceke wadubo warem ni dwong’ pa Mungu; 24ma jugonyo lembe m’i wigi mananu ni kum berone ni kum war ma ni i Kristu Yesu: 25ma Mungu ketho ebed ni lam, ni kum yioyic, i rimo pare, kara enyuth bedopwe pare kum wekodubo m’ular utimbre, i twiocwiny pa Mungu; 26kum nyutho, awacu, bedopwe pare i nindo maeni; kara en gire ebed pwe, man jagony lembe m’i wi ng’atu ma yioyic pare ni i Yesu. 27Ka kumeno luli nikani? Bang’e cikre woko. Ku cik manedi? mi tici? Ungo: ento ku cik mi yioyic. 28Ka kumeno wakwanu nia lembe m’i wi dhanu gonjre ni kum yioyic nge ku tic mi cik. 29Kadi Mungu en e Mungu mi Juyahudi kendgi? en e Mungu mi Thekdhanumange bende ngo? Eyo, mi Thekdhanumange bende: 30tek ebedo kumeno ya Mungu en e acel, man ebigonyo lembe ma wi weg yaa ku yioyic, man ma wi weg yaango ni kum yioyic. 31Ka kumeno wathiro cik ni kum yioyici? Awene: ungo, waketho cik ucungo.

will be added

X\