Revelation 13

1Man ecungo wi kwio ma dhu nam. Man aneno yedi ai i nam, ma tunge apar wie ke abiro, man jamkermiwic apar ni wi tunge, man nying’ mir acidi ni i wie. 2Man yedine m’aneno ayine pamir ayi ng’u, man tiende pa tiend wai, dhoge ke pami dhu umvor: man ng’ec umio tego pare ire, ku komker pare, ku ng’ol ma dit. 3Man aneno wie acel calu juthume ni tho; man rem mi tho pare kei: man i ng’om ngung’ uwang’ lii kum yedine; 4man girwo ni ng’ec, kum emio ng’ol pare ni yedi; man girwo ni yedine, giwacu kumae, Ng’a ma calu yedi maeni? man ng’a ma copo kiedo lwiny kude? 5man jumio ire dhok ma yero gin ma dit ku lembacidi; jumio ng’ol de ire m’etim ko tic pare dwi pier ang’wen wi ario. 6Man eng’amu dhoge mi lembacidi kum Mungu, m’ecid ko nyinge, ku hema pare, cil ju m’ubedo i polo. 7Man jumio ire ya etim lwiny ku jumaleng’, eloi kogi de: man jumio ire ng’ol wi suru kubang’gi kubang’gi ku dhanu man dhok man thek. 8Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko. 9Ng’atu ma tek ithe nuti, dong’ ewinji. 10Tek ng’atu moko en e jathebkol, e ecidho i kol: tek ng’atu moko binego ku palamularu, en de jubikonege be ku palamularu. Twiocwiny ku yioyic mi jumaleng’ ni keni. 11Man aneno yedi mange ai i ng’om uidho malu; tunge ario calu pa nyathi rombo, man eweco calu ng’ec. 12Man etimo ku ng’ol ceke pa yedi ma kwong’ane i wang’ yedine. Man eketho ng’om ku ju m’ubedo i ie de girwo ni yedi ma kwong’ane, ma rem mi tho pare kei. 13Man etimo giranyutha ma dit, kara eketh cil mac uai i polo ulor i ng’om i wang’ dhanu. 14Man ebombo ju m’ubedo wi ng’om ni kum giranyutha ma jumio ire etim i wang’ yedi; m’ewacu ko ni ju m’ubedo wi ng’om, ya gitim ayi yedi m’ubedo ku rem ma jutong’e ko ku palamularu man ebedo kwo. 15Man jumio ire ya eyui lietho ire, cil ni ayi yedine, kara ayi yedine weci, kara dhanu ceke de ma girwo ngo ni ayi yedine juneggi. 16Man eketho ceke, ma thindho ku ma dongo, man julonyo ku jucan, man paker ku jumiru, ya juthei kiedo i cing’gi ma yor acwic, kadi i ternyimgi; 17man kara ng’atu moko bed umbe ma copo ng’iewo gin moko ire kadi ma loko gin moko, ndhu ng’atu ma kiedo ni i kume, en e nying’ yedine kadi wel mi nyinge. 18Maeni rieko. Ng’atu ma won ng’eyong’ec, dong’ ekwan wel yedine; kum en e wel ng’atu moko: man wel pare en e dak abusiel ku pier abusiel wi abusiel.

will be added

X\