Revelation 12

1Man giranyutha ma dit unen i polo: dhaku m’uronjre ku ceng’, dwi de ni the tiende, man jamkermiwic mi cero apar wi ario ni i wie; 2ie de nuti; man eywak, m’ebesendre ku remokum mi nyodo, man eni i remokum m’enyol ko. 3E giranyutha mange nen i polo: man nen, ng’ec ma dit ma kwar, ma wie abiro tunge ke apar, man jamkermiwic abiro ni i wie. 4Man yibe telo theng cero mir adege m’i polo, man ebologi i ng’om: man ng’ec ucungo wang’ dhaku ma ceng’ni nyol, kara kinde m’enyol emwony nyathin pare. 5Man enyolo wode, ng’atu ma nico, m’ebibimo thek ceke kud uluth mi nyunyu: man nyathin pare juting’e malu ba Mungu, man ba komker pare. 6Man dhakune ringo i yamba, ka ma kaka ma Mungu yiko ire ni i ie, kara jugwoke kuca ceng’ rubanga acel ku dak ario ku pier abusiel. 7Man ali ni i polo: Mikael ku malaika pare gibecitimo ali ku ng’ec; ng’ec de gikiedo man malaika pare; 8man giloyo ngo, kadi kakagi de junwang’u kendo ngo i polo. 9Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi. 10Man awinjo dwal ma dit i polo, m’uwacu kumae, Kawono both uwok, man tego man ker pa Mungu mwa, ku ng’ol pa Kristu pare: kum jubolo jagob utumegwa piny, en m’egobogi i wang’ Mungu mwa dieceng’ ku diewor. 11Man givoye ni kum rimb Nyathi Rombo, man ni kum wec mi lembatuca migi; man gimaru kwo migi ngo cil ni tho. 12Ka kumeno anyong’a negwu, E polo, ku wun ma wubedo i igi de. Can ni ng’om ku nam de: kum wonabali loro piny i beng’wu, ma kwinyo ma dit ni i bang’e, m’eng’eyo ko nia nindo dong’ ire nyanok kende. 13Man ka ng’ec uneno nia jubole piny i ng’om, enyayu ragedo kum dhaku m’unyolo nyathin ma nico. 14Man jumio bomb acur ma dongo ario ni dhakune, kara ering i yamba i kakare, ka ma jugwoke i ie pi nindo, man ungu nindo, man ng’et nindo, kud i wang’ thwol. 15Man thwol uthwogo pi ma calu kulo kud i dhoge i tok dhakune, kara kulone mole. 16Man ng’om ukonyo dhakune, ng’om de ng’amu dhoge emwonyo ko kulo ma ng’ec uthwogo kud i dhoge. 17Man kwinyo nego ng’ec dwanya kum dhakune, man ecidho nitimo lwiny ku kodhi dhakune m’udong’, m’ugwoko lembang’ola pa Mungu, m’umaku lembatuca pa Yesu Kristu de:

will be added

X\