Philippians 2

1Ka kumeno tek juk moko nuti i Kristu, tek thokothok moko mi mer de nuti, tek ripocwiny moko mi Tipo nuti, tek kisa ma ng’ic ku ngisi moko nuti, 2wuketh mutoro para pong’ kara pidoiwu bed calacel, ma wubedo ku mer ma calacel, ma wubedo ku cwinywu de m’uripo acel, ku pidoiwu de acel; 3ma wubetimo gin moko ngo kud ali kadok ku kulula mananu, ento ku pidoic ma mol wek ng’atuman ie pid ya wadi ber ma sagu en; 4ma wun kubeng’wu kubeng’wu ng’atuman ie ku pido kum piny pare kende ngo, ento ng’atuman ie pid kum piny mi juwadi bende. 5Dong’ pidoic maeni e m’ubed i iwu, ma yang’ ubedo i Kristu Yesu bende: 6en, ma nwang’u e Mungu ku kite ngi, kud i wang’e bedo ma jubedo ko ro ku Mungu en e gin ma juketho cwiny i kume ngo kara jubed ndhu kude, 7ento ewenjre gire, edong’ egamu kum ng’eca re, e edoko ni ayi dhanu; 8e kan enwangre i ayi mi dhanu, e ejwigre gire, edoko jaworo cil mi tho ngi, eyo, tho mi yen m’athara. 9Kum kumeno bende Mungu dode dit apila, man emio ire nying’ ma sagu nying’ ceke; 10kara i nying’ Yesu cong ceke rum, m’i polo ku m’i ng’om ku ma the ng’om, 11man kara leb ceke kubang’gi kubang’gi ubin utuc nia Yesu Kristu en e Rwoth, ni dwong’ pa Mungu ma Wego. 12Kum kumeno, jumerna, cil calu wubeduworo thiri thiri, calu i vuta kende ngo, ento kawono m’usagu dit m’ambe, wutim tic mi both mu giwu ku lworo ku mielkum; 13kum en e Mungu m’etimo i iwu ku yenyo ku timo bende, ni kum mutoro pare. 14Wutim gin ceke umbe ng’ ur umbe piem de; 15kara wubed ma lembe mbe iwiwuwubed mol de, nyithindho pa Mungu ma poyo de mbe i kind dhanum’utuk m’ugondri ma gi juco de, ma kud i kind joca wubenen calu der i ng’om, 16ma wubethiero lembe mi kwo; kara abed ku gin moko m’abin alula i kume i ceng’ pa Kristu, ya aringo mananu ngo kadi amula ku tic de mananu ngo. 17Eyo, man tek jubekonja wi lam man wi tic mi yioyic mu, e anyong’a benega, man anyong’a benega wakudu ceke: 18man ke wun bende anyong’a benegowu kumeno, man anyong’a negwu wakudu. 19Ento ageno i Rwoth Yesu ya fodi nyanok abioro Timoteo i beng’wu, kara an bende cwinya jukre kinde m’ang’eyo rama wubedo ko. 20Kum ng’atu moko mbe i bang’a ma pidoie calu para, ma ie pido piwu andha. 21Kum gin ceke gibeyenyo gin migi gigi, gin pa Yesu Kristu re ngo. 22Ento wung’eyo maram pire nyuthie ko, nia, calu nyathin konyo won, en bende ekonya kumeca ku nyayu lembanyong’a ma juboth ko. 23Ka kumeno ageno ya abiore i beng’wu kawono, kinde m’aneno rama lembe para bitimbre ko: 24endre ageno i Rwoth nia an bende ku kita abibino nyakawono. 25Ento akwanu nia emaku piny ya aor Epafrodito m’umira i beng’wu ma wa jutic wakude, wan asikari de wakude, man jakwenda mu m’e jakony mi can m’unega; 26kum ava wu kewu ceke nege dit, man cwinye dieng’ dit, kum wuwinjo nia kume lith: 27kum andha kume make m’uyenyo nege anega: ento Mungu timo ku kisa i kume; man i kume kende ngo, ento i kuma bende, kara kud anwang’ can wi can wagi. 28Ka kumeno aore nyadwedwe ma sagu, kara, ka wunene kendo anyong’a negwu, man ke kara can para dok nok. 29Wujole kumeno i Rwoth ku mutoro ceke; e wuyung wagi dhanu ma kumeno: 30kum evotho pi tic pa Kristu, m’ekuno kume kara eketh tic mu ma ira m’urem urom kakare.

will be added

X\